ایران‌نینگ قشم آرالیگه ایکّی راکته تېککن؛ بیراق حاضرگچه بو واقعه‌نینگ احتمالی زیانلری تۉغریسیده هیچ بیر نرسه دېبلمه‌گن.
ایران تسنیم آژانسی‌نینگ خبر بېریشیچه، تېگیشلی رسمیلر آرقه‌لی مذکور واقعه تصدیقلنگنیدن کېین، بو تۉغریده کۉپینچه معلومات ترقه‌تیلیشی ممکن.
شونینگدېک بوندن آلدین ایرنا آژانسی محلده‌گی گواه‌لرگه ته‌ینیب، ایران جنوبیده‌گی قشم آرالی اوستیده اوچاق اَیلنیشی آوازی ایشیتیلگنیدن سۉنگ، آرال‌نینگ سوزا حدودیگه ایکّی راکته اوریلگنیدن خبر بېرگن.
باشقه بیرتاماندن، قطر خلق‌ارا یېتکرمه اداره‌سی بوگون امریکا و ایران‌نینگ اوروشنی یکونلش بۉییچه کېلیشووگه ایریشه آلمه‌گنی حقیده‌گی خبرلرنی رد ایتیب و بو معلوماتلرنی ناتوغری دېب اته‌گن.
بو اداره‌گه کۉره، قطر باش وزیری ایکّی تامان حاضرگچه کېلیشووگه اېریشیش یۉلیده سعی‌وحرکتلرنینگ دوام اېتتیره‌یاتگنی‌‌گه اورغو بېرگن.
بیانات‌ده کېلیشیچه، قطر امریکا و ایران بیلن یقین همکارلیکده مذاکره‌لرنی قۉللب-قۉتلش اوچون واسطه‌چیلیک حرکتلرینی دوام اېتتیرماقده.
