تورکیه جمهور باشلیغی رجب طیب اردوغان، آذربایجان جمهور باشلیغی الهام علی‌اف تکلیفی‌گه بنا، بوگون (۸-نوامبر، یکشنبه کونی)، مذکور مملکت‌گه سفر قیله‌دی.
تورکیه جمهورلیک ریاستی‌نینگ علاقه‌لر اداره‌سی باشلیغی برهان‌الدین دوران، ایکس صحیفه‌سیده یازیشیچه، مذکور سفرده اردوغان، قره‌باغ منطقه‌سیدن کۉریب چیقیشی ممکن.
ایتیلیشچه، بو سفر آذربايجان‌نینگ ۴۴ کونلیک قره‌باغ اوروشیده غلبه قازانگن کونی مناسبتی بیلن عملگه آشیریله‌دی.
دوران‌گه کۉره، رجب طیب اردوغان مذکور سفر جریانیده علی‌اف بیلن ایکّی تامانلمه اوچره‌شوو اۉتکزیب و ایکّی تامان تورلی موضوع‌لر جمله‌دن منطقه و دنیا اۉزگریشلری تۉغریسیده گپله‌شیشلری ممکن.
اوشبو سفر شوندی بیرحالده دیر که اخیرگی وقتلرده، تورکیه و آذربایجان اۉرته‌سیده‌گی مناسبتلر یامانلشگنی حقیده هم خبرلر ترقه‌لگن اېدی.
