تخار ولایتی خواجه‌غار اولسواللیگیدن بۉلگن شاعر و اۉقیتووچی مژده اۉزبېک طالبان تامانیدن حبسگه آلینگنی بیر-یریم آی‌دن آشدی بیراق حاضرگچه هم اونینگ تقدیری بیللی اېمس.
منبعلرنینگ ایتیشیچه، مژده اۉزبېک حاضرگچه هم طالبان استخباراتی قماقخانه‌سیده سقلنیب کېلینماقده.
ایتیلیشچه، طالبان حاضرگچه بو عیالنی محکمه قیلگن اېمس و شو سبب‌دن او کابلده طالبان استخباراتی قماقخانه‌سیده سقلنیب کېلماقده دیر.
منبعلر، طالبان یقینده مژده اۉزبېک قضیه‌سی تۉغریسیده محکمه قرار قیلیشینی معلوم قیلگنینی اَیته‌دی. بیراق طالبان تامانیدن بو جریان حقیده آرتیقچه تفصیلات بېریلگن اېمس.
مژده اۉزبېک بوندن آلدین، تخار ولایتی خواجه‌غار اولسواللیگی‌نینگ هزارباغ قیشلاغیدن حبسگه آلینگن اېدی. حاضرگچه طالبان بو عیال نیمه عیب بیلن حبسگه آلینگنی حقیده تفصیلات بېرگن بۉلمسه-ده بیراق منبعلر او طالبانگه قرشی ناراض عیاللر بیلن علاقه‌ده بۉلگنی و طالبانگه قرشی شعر یازیشده عیب‌لنیب حبسگه آلینگن.
