ترانسپورت و هوا یۉللری وزیرلیگی هواشناسلیک ریاستی نینگ خبر بېریشیچه، مملکت ۲۱ ولایتیده یاغینگرچیلیک و سووتاشقینی یوز بېره‌دی.
مذکور ریاست تامانیدن ترقه‌تیلگن معلوماتلرگه کۉره، اېرته (سه‌شنبه، ۱۹ عقرب)، فاریاب، جوزجان، سرپل، بلخ، سمنگان، قندوز، تخار، بدخشان، بغلان، هرات، بادغیس، غور، نورستان، لغمان، کاپیسا، پروان، بامیان، دایکندی، خوست، پکتیا و پکتیکا ولایتلریده یاغینگرچیلیک پیش‌بینلیک بۉلگن.
هواشناسلیک اداره‌سی نینگ بیاناتی اساسیده، اوشبو ولایتلر نینگ تورلی منطقه‌لریده یامغیر یاغیش میزانی ۱۰ دن ۳۰ ملی‌متر بۉلیشی کوتیله‌دی.
شمالی، غربی، جنوب‌شرقی و مرکزی ولایتلرده، بیر ساعت ایچیده ۵۰ دن ۸۰ کیلومتر سرعت بیلن کوچلی بوران یوز بېریشی ایتیلگن.
شونینگدېک ساووق و یوقاریراق حدودلرده قار یاغیش احتمالی‌دن آگاه‌لنتیریلگن.
