طالبان نظارتی آستیده بۉلگن باختر یېتکرمه‌سی‌نینگ خبر بېریشیچه، هراتده اویسن فارما دارو-درمان ایشلب چیقریش فابریکه‌سیده ۳۰ میلیون دالر سرمایه بیلن دارو ایشلب چیقریش اوچون نظرگه توتیلگن اوچ‌ته ینگی بلاک‌نینگ قوریلیش تمل تاشی قۉییلدی.
بو بیلن بېرگه، اوشبو فابریکه‌ده پیچکاری و سیروم ایشلب چیقریش ینگی بۉلیمی هم آچیلیب و سیروم ایشلب چیقریش ینگی بۉلیمی، کونده‌لیک ۱۰۰ مینگ پاکت تولید قیلیش امکانیتیگه اېگه اېکنی هم معلوم قیلینماقده.
شونینگدېک بېش قبتده اوچ‌مینگ مترمربع مساحتده قوریله‌دیگن ینگی اوچ بلاک‌نینگ قوریلیش ایشی یکونلنیشی و زمانه‌وی ماشینلر اۉرنه‌تیلیشی بیلن، خلق‌ارا ستندردلر اساسیده تورلی‌خیل داری-درمان ایشلب چیقریش امکانیتی آشیشی ممکن.
اوشبو فابریکه کېنگه‌یشی بیلن دارو-درمان صناعتی رواجلنیشی، ایچکی تولیدلر آشیشی و دارو کېلتیریلیشی‌گه مملکت‌نینگ قره‌ملیگی کمه‌یشی تۉغریسیده امکانیت یره‌تیله‌دی.
بو شوندی بیرحالده دیر که حاضرده افغانستان بازارلری جدّی دارو آزلیگی معماسی بیلن دوچ دیر.
اوشبو معما، طالبان پاکستاندن دارو آلیب کېلیشنی تقیقلگنیدن سونگ جدّی‌لشیب، دارو آزلیگی و نرخی یوقاریلیگیدن شکایتلرنی اۉرته‌گه آلیب کېلگن.
