بیرلشگن ملتلر تشکیلاتی قاچقینلر بۉییچه عالی کمیسارلیگی نینگ افغانستانده‌گی وکیلی عرفات جمال‌گه کۉره، افغانستان و باش‌پنه ایزلاوچیلرنی قۉللب-قوتلش، تېنچ و برقرار دنیانی یره‌تیش مقصد سرمایه کېریتیش دیر.
اونینگ اۉتگن کون (۲۱-عقرب، پنج‌شنبه)، جنوبی کوریاگه قیلگن سفری جریانیده «کوریا تایمز» کونده‌لیگی بیلن اۉتکزگن صحبتلریده ایتیشیچه، ۲۰۲۳-ییل سپتمبر آییدن حاضرگچه ۶ میلیون ۵۰۰ مینگ کیشی افغانستان گه قیتریلگن؛ بو رقم اېسه مملکت جمعیتی‌نینگ قریب ۱۵ فایزینی تشکیل بېره‌دی.
جمال‌نیگ کۉپه‌یتیریشیچه، مملکتگه قیتگنلردن کۉپینچه‌سی ایران و پاکستانده توغیلیب و افغانستان گه کیلیشدن کېین، کیم‌لیککه اېگه بۉلمسلیک، اوقوو خذمتلریگه قۉل تاپه آلمسلیک، ییر ساتیب آلیش همده بانکی خذمتلرده قیین‌چیلیک بیلن روپه‌ره بۉلیب و شاشلینچ یاردمگه نیازلری بار.
عرفات جمال گه کۉره، بیرلشگن ملتلر تشکیلاتی قاچقینلر بۉییچه عالی کمیسارلیگی، کیم‌لیک حجتینی آلیش، اوی-جای، ایش و نقدی یاردملر تۉغریسیده اوشبو کیشیلرنی قۉللب-قوتله‌یدی.
اونینگ اورغولشیچه، باش‌پنه ایزلاوچیلرنی قۉللب-قوتلش چیگره‌لرنی شرط‌سیز شکلده آچیش معناسیگه اېمس؛ بلکیم مملکتلر اذیت و تهدیددن قاچیش و خوفسیزلیککه اېریشیش اوچون باش‌پنه گه نیازی بۉلگن کیشیلرگه کېریش امکانیتی‌نی بیریشلری کېره‌ک.
افغانستان گه قاچقینلرنینگ کینگ کۉلملی قیتیشلری شونده‌ی بیرحالده یوز بېرماقده که، بشر حقوقی کۉزه‌تووچیسی و خلق‌ارا کېچیریم تشکیلاتی کبی بشر حقوقی نهادلری‌نینگ گزارشلری اساسیده، مملکت گه قیته‌دیگنلردن کۉپینچه‌سی طالبان آرقه‌لی تهدید و کلتک‌لنیش آستیده قرار تاپه‌دی.
