بیرلشگن ملتلر تشکیلاتی‌نینگ باله‌لرنی قۉللب-قوتلش صندیغی (یونیسف)گه کۉره، باله‌لر تۉغریسیده سرمایه کېریتیش، برچه‌نینگ عمومی کېله‌جگی اوچون سرمایه کېریتیلیش دیر.
اوشبو نهاد بوگون (۲۳-عقرب، شنبه)، خلق‌ارا باله‌لر کونی مناسبتی بیلن باله‌لر اوچون یخشی بیر کېله‌جک قۉریلیشی و اولرنینگ حقلری سقله‌نیشینی اېسته‌دی.
بو، افغانستان شامل دنیا بۉیلب میلیونلب باله برابر تعلیم حقی، تینچ‌لیک و آزیق-آوقت خوفسیزلیگیگه اېگه بۉلمسلیک کبی اساسی حقوقلریگه قۉل تاپه آلمه‌گنلری بیرحالده بیان بۉلگن.
شونینگدېک افغانستانده‌گی باله‌لر آزیق-آوقت ناتینچ‌لیگیدن تاثیرلنیش یانیده، اوروشلردن پارتلمه‌ی قالگن ماینلر پارتله‌شی و جنسیت طفیلی کم‌سیتیلیش بیلن هم روپه‌ره‌لر.
افغانستانده قیز باله‌لر، بېش ییلدن بیری آلتینچی صنفدن یوقاری تعلیم حقینی قۉلدن بېرگنلر.
ایتیش کېره‌ک که، هر ییلی ۲۰-نوامبر بیرلشگن ملتلر تشکیلاتی و اوشبو تشکیلات‌نینگ باله‌لرنی قۉللب-قوتلش صندیغی آرقه‌لی خلق‌ارا باله‌لر کونی نشانله‌نیب و باله‌لر تینچ‌لیگی همده حقوقی تۉغریسیده دنیا اعتبارینی قره‌تیش مقصد حرکت بۉله‌دی.
