افغانستانده ساغلیقنی سقلش تشکیلاتی‌نینگ ایتیشیچه، شکر/دیابت کسللیگی افغانستانده ساغلیق ساحه‌سیده کتّه بیر قیینچیلیک بۉلیب و بو مملکت یشاوچیلریدن کۉپینچه‌سی اوشبو کسللیککه چلینگنینی یالغیز اونینگ بېلگیلری نمایان بۉلنیدن کېین بیله‌دی.
افغانستانده ساغلیقنی سقلش تشکیلاتی وکیلی ادوین سنیزا سالوادور، بوگون (۲۳-عقرب، شنبه)، خلق‌ارا شکر کسللیگی کونی مناسبتی بیلن ایتیشیچه، بو کسللیک بیلن قرشی کۉره‌ش و افغانستانده اونینگ آلدی آلینیشی اوچون تېزلیککه سرمایه کېریتیلیشی کېره‌ک.
اونگه کۉره، حاضر دولتی ساغلیقنی سقلش ۲۰ مرکزدن دیابتنی انیقلش بۉییچه خذمتلر یالغیز بیرته مرکزده موجود.
خلق‌ارا ساغلیقنی سقلش تشکیلاتی، ۴۰ یاشدن یوقاری کیشیلردن برچه‌سیگه محللریده‌گی اېنگ یقین ساغلیقنی سقلش مرکزگه باریب و کۉریکدن اۉتیشلرینی سۉره‌دی.
بو نهادنینگ کۉپه‌یتیریشیچه، وقتیده حرکت قیلیش کۉریش امکانیتی و بویره‌کلر سلامتلیگینی سقله‌ب و دیابت کسللیگی خوفلری اۉرته گه چیقیشی آلدینی آله‌دی.
هر ییلی ۱۴-نوامبر، «خلق‌ارا شکر/دیابت کونی» اسمی آستیده، بو کسللیک حقیده آگاهی‌لیک آشیریلیشی، تشویق و اونینگ تېزلیککه انیقله‌نیشی و آلدی آلنیشی همده بو بۉلیمده سرمایه کېریتیلیش اوچون دولتلر اعتباری قره‌تیلیشی مقصد نشانلنه‌دی.
