طالبان رهبری هبتالله آخوندزاده، کابل بیلیم یۉرتیده اونینگ بۉیروغلری تاثیرلرینی تېکشیریش تۉغریسیدهگی کنفرانسده نطق سۉزلب و ادعا قیلیشیچه، اوشبو گروه سیاستی قرآن اساسیده بۉلیب و طالبان تینگری تعالینینگ برچه قانون-قاعدهسینی قبول قیلهدی.
شونینگدېک او، مومنلر یگانه بیر تنه کبی بۉلیشلری، بیر-بیرلرینی قۉللب-قوتلشلری و مستحکملشلری کېرهکلیگینی بیان قیلیب و ایتیشیچه، عالملر اۉزارا بیرلشگنلری صورتده، هیچ کیم اولرگه قرشی توره آلمهیدی. اونگه کۉره: «جمعیتنی اصلاح قیلیش عالملر مسئولیتلریدن دیر.»
مذکور کنفرانسده آخوندزادهنینگ کۉپهیتیریشیچه، افغانستانلیکلردن برچهسی کمسیتیش بۉلمسدن خوفسیز حیات کیچیرهآلهدیلر و افغانستان توپراغینینگ حتا بیر وجبی هم باشقهلر اختیاریگه اېمس.
طالبان رهبری سۉزلری دوامیده، مملکتدن تشقریده حیات کېچیرهدیگن افغانستانلیکلرنی مملکتگه قیتیب، افغانستانده خوفسیز حیات کیچریشلرینی سۉرهگن.
او، طالبانگه مخالف بۉلگن افغانستانلیک گروهلرگه خطاب، اۉز اولکهلریگه قیتیشلری طلب قیلگن. اونینگ ایتیشیچه، طالبان اولرنینگ صلاحیتی و قابلیتیگه قرهب، مسئولیت و لوازملر تاپشیرهدی.
هبتالله آخوندزاده، طالبان هیچ کیمنی اۉتمیشدهگی فعالیتیگه قرهب حکم قیلمسلیگیگه تاکیدلب، اولرنینگ ینگی فتنهلر کېلتیریب و چیقرمسلیککه چقیرگن.
طالبان قدرت گه ایریشگنیدن کیین، دایم عمومی کیچیریم نی معلوم قیلگن؛ بیراق بو گروه حاکمیتیده مقصدلی آدم اولدیریش همده جنسیت، تیل و مذهب اساسیدهگی تعصب و باسیملر کوپهیگن.



