تخار ولایتی‌نینگ درقد اولسواللیگیده یۉلگه قوییلگن اوشبو مسابقه‌ده، ینگی قلعه، خواجه بهاوالدین و دشت قلعه شامل قۉشنی اولسواللیکلردن توپلم 80 کیشی پالوانلر قتنشگن اېدی.
مذکور ایکی کونلیک مسابقه نتیجه‌سیده، ینگی قلعه پالوانلری بیرینچی اۉریننی قازاندی.
تخار ولایتی سپورت اداره‌سی‌نینگ مسوللریگه کۉره، اولسوالیکلر آره‌سیده یۉلگه قوییلگن مذکور رقابتلردن مقصد ییگیتلر آره‌سیده محلی سپورت اویینلرینی رواجلنتیریش دیر.
پالوانلیک و اوغلاق اۉیینلری افغانستان شمال و شمالشرق ولایتلری یشاوچیلری‌نینگ اېسکی سپورتلری حسابلنه‌دی.
اوشبو ولایت یشاوچیلری نوروز، بیره‌ملر و طویلرده شوندی مسابقه‌لرنی یۉلگه قوییشه‌دیلر.
کوز، قیش و کوکلم موسوملریده کۉپینچه‌لیک ولایتلر، اولسواللیکلر و قشلاقلر آره‌سیده کوره‌ش و اوغلاق مسابقه‌لری اۉتکزیله‌دی.
