امریکا یېتکرمه‌لریدن بیر قطاری گزارش بېرگن که، اوشبو مملکت «کلرادوی» ایالتیده یشه‌یدیگن بیر افغانستانلیک ییگیت، اۉرته شرق سفر قیلیب و داعش گروهی گه قۉشیلیشنی نیت قیلگن اېکن که، مذکور ایالت‌نینگ «دنور» منطقه‌سیدن قۉلگه آلینگن.
پنج‌شنبه (30- قوس) ان‌بی‌سی‌نیوز نینگ گزارشی اساسیده، 18 یاشیده بۉلگن مذکور ییگیت داعش گروهی گه معلومات یېتکزیش و مالی حمایت اېتیش عیبلاوی بیلن اوشلب آلینگن.
اف‌بی‌آی ایشلاوچیلریدن بیری‌نینگ ادعاسیگه کۉره، قۉلگه آلینگن شخص‌نینگ آتی حمزه مشکور و بو کیشی اېسه امریکاده توغیلگن.
اوشبو پولیس ایشلاوچیسی‌نینگ ایتیشیچه، حیاتی‌نینگ نېچه ییلی نی آنه یورتی افغانستانده کېچیرگن «مشکور»، اۉرته شرق باریب داعش گروهی گه قۉشیلیش مقصدده اېکن.
مشکور، (27- قوس) دوشنبه کونی ایناغه‌سینی کۉریش اوچون افغانستان گه سفر قیلیش بهانه‌سی بیلن، بیرلشگن عرب امیرلیگی گه اۉچیش پیت «دنور» خلق‌ارا هوا قونالغه‌سیدن قۉلگه آلینگن.
شونینگدېک مشکور، 2021- ییل هم اجتماعی ترماقلرده داعش گروهی اوچون تبلیغ قیلیش گه عیبلنگن اېکن.
عین حالده، بوندن آلدین هم امریکا شامل غربی مملکتلر ییگیتلری‌نینگ داعش گه قۉشیلیشی خصوصیده قیلگن حرکتلریدن گزارشلر ترقه‌تیلگن اېدی.
