بیرلشگن ملتلر تشکیلاتیده افغانستان نماینده‌لیگی‌نینگ سرپرستی نصیراحمد فایق، مذکور تشکیلات خوفسیزلیک کېنگشی ییغینیده ایتیشیچه، افغانستان یشاوچیلری دنیا جماعه‌چیلیگی‌نینگ طالبان بیلن هر قنده‌ی یخشی علاقه‌سیگه قرشی دیر.
چهارشنبه (29- قوس) فایق مذکور کېنگش ییغینیده کۉپه‌یتیریشیچه، او بو توغریده افغانستان یشاوچیلریدن کۉپ ایسته‌ک قۉلگه کېلتیرگن.
اونگه کۉره، طالبان افغانستانده قیته قدرت گه اِیریشگنیدن کېین، مملکت یشاوچیلری اینیقسه عیاللرنینگ حقلرینی جدی بیر شکلده نقض اېتگن.
فایق، طالبان‌نینگ «همه‌شمول» حکومت توغریسیده‌گی ادعاسینی ناتوغری دېب و دنیا جماعه‌چیلیگی افغانستانده هرتامانلمه و یشاوچیلرنینگ ایسته‌گی گه ماس بیر حکومت ایجاد اېتیلیشی اوستیگه اۉرغوله‌گن.
بیرلشگن ملتلر تشکیلاتیده افغانستان نماینده‌لیگی‌نینگ سرپرستی، افغانستانلیکلر اوچ ییلدن بېری طالبان‌نینگ ظالم حکومتی آستیده حیات کیچیریب کېلماقده اېکنلیگینی بیلدیرگن.
او، اوشبو ییغینده خوفسیزلیک کېنگشی گه خطاب ایتیشیچه، طالبان افغانستانده عیاللر و قیزلرنینگ، تعلیم، تحصیل و ایشدن محروم قیلیش گه علاوه، مخالفلر اینیقسه اعتراضچی عیاللرنینگ اوشلب و قیناققه سالیشه‌دی.
نصیراحمد فایق، شیعه عالملری، هزاره‌لر، سابق حکومت امنیتی و مدافعه کوچلری ریجه‌لی بیر شکلده طالبان تامانیدن اۉلدیریلیشی و شونینگدېک ترورچیلیک گروه‌لرنینگ کونساېین فعالیتی کۉپه‌یشی افغانستانده‌گی بویوک قیینچلیکلردن دیر که طالبان گروهی نظارتیده دوام اېتیب کیلماقده.
اونگه کۉره، طالبان‌نینگ ایکّی ییلدن آرتیق حکومتیده، افغانستانلیکلردن کمیده 29 میلیون کیشی انسان‌دوستلیک یاردملرگه محتاج بۉلگن.
فایق بونده‌ی بیانات بېرگن بیرحالده، بوندن آلدین افغانستان بۉییچه بیرلشگن ملتلر تشکیلاتی باش‌کاتبی‌نینگ خاص نماینده‌سی و یوناما باشلیغی رزا اوتونبایوا، خوفسیزلیک کېنگشی ییغینیده، دنیا جماعه‌چیلیگی طالبان بیلن یخشی علاقه گه اۉتیشی نی سۉره‌گن اېدی.
رزا اوتونبایوا، افغانستانلیک قیزلر و عیاللرنینگ حقلری نقض اېتیلیشی، دنیا جماعه‌چیلیگی‌نینگ طالبان بیلن تعامل قیلیشی خصوصیده‌گی موجود قیینچلیک نی کۉپه‌یتیره‌دی.
بیرلشگن ملتلر تشکیلاتی‌نینگ اوشبو رسمی‌سیگه کۉره، مذاکره‌لر طالبان نی قانونی‌لشتیرمه‌یدی، لېکن بو گروه‌نینگ اۉزگریش اوچون ترغیب قیلیش گه تأثیر قیلیشی ممکن.
شونینگدېک خانم اوتونبایوا بیاناتی آقمیده، طالبان نظارتیده‌گی افغانستانده اۉز باشیمچه‌لیک بیلن حبس گه آلیش، شیعه‌لرگه قرشی تهدیدلر، انسان حقلری نقض اېتیلیشی و منطقه اولکه‌لری‌نینگ افغانستاندن ترورچیلیک تهدیدلر خصوصیده‌گی خواطرلریگه اشاره قیلگن اېدی.
