پراگ پولیسی‌نینگ اعلامی اساسیده، پنج‌شنبه کونی بیر طلبه بیرینچیده آته‌سینی اۉلدیریب کېین ایسه، چارلز بیلیم‌یورتیده اۉق آتیش بیلن باشقه 14 کیشی نی اۉلدیرگن. پولیس، فلسفه طلبه‌سی بۉلگن هجومچی نینگ جسدینی تاپیب و بو طلبه اۉزینی هم اۉلدیرگن احتمالی بارلیگی نی اَیتگن.
اوشبو واقعه، چک تاریخیده «اېنگ یمان گروهی اۉق آتیش» دېیلگن. شونینگدېک مذکور واقعه‌ده باشقه 25 کیشی یره‌لنگن که اولردن 10 ته‌سی نینگ ساغلیک وضعیتی یمان دېیلگن.
پولیس‌نینگ بیاناتیگه کۉره، چارلز بیلیم‌یورتیدن بیر قورال دیپوسی هم تاپیلگن و مذکور هجومچی‌نینگ نېچه قانونی قورالی بار اېکن.
اوشبو واقعه‌دن کېین، پولیس اۉق آتگن طلبه‌نینگ جسدی نی تاپیب و بویوک احتمال بیلن بو طلبه اۉزینی آتیب اۉلدیرگنینی اَیتدی.
پولیس‌نینگ کۉپه‌یتیریشیچه، مذکور حادثه عاملی پولیس‌نینگ اۉقینی اصابتی یا هم اۉزینینگ اۉلدیرگنی خصوصیده تحقیق قیله‌دی.
چک پولیس باشلیغی مارتین وندراسک گه کۉره، مذکور طلبه اۉتگن هفته پراگ شهریدن تشقری بیر اۉرمان‌ده بیر کیشی نینگ ایکی آیلیک باله‌سی بیلن اۉلدیریش گه هم عیبلنگن. پولیس بو واقعه نی خلق‌ارا ترورچیلیککه تیگیشلی بۉلمه‌گنینی بیلدیرگن.
چک جمهوررئیسی پتر پاول، اوشبو حادثه قربانیلری‌نینگ اِیسلش اوچون بیر کون عمومی عزادارلیک اعلام قیلدی.
