17- جدی یکشنبه کونی طالبان عالی محکمه‌سی بیر خبرنامه ترقه‌تیب یازیشیچه، قندهارده تۉرت کیشی‌نی «لواط» عیبلاوی بیلن 39 قمچی اورگن.
اوشبو خبرنامه‌ده کېلیشیچه، مذکور کیشیلر 18 آی حبس‌گه هم محکوم بۉلگن.
طالبان ترقه‌تگن خبرنامه‌سیده کۉپه‌یتیریلیشیچه، اوشبو شخصلر قندهار محکمه‌سیده اهالی‌نینگ کۉزینی برابریده قمچی‌لنگن.
طالبان عالی محکمه‌سی مذکور کیشیلرنینگ کیم‌لیگی‌نی افشا قیلمه‌گن.
طالبان اۉتکن سرطان آیی‌ده هم ایکی کیشی‌نی «نامشروع علاقه» عیبلاوی بیلن، لغمان عیدگاه مسجدی‌ده اهالی‌نینگ کۉزینی برابریده قمچیله‌گن اېدی.
بوندن آلدین انسان حقلریدن مدافعه قیله‌دیگن نهادلر و دنیا جماعه‌چیلیگی نېچه مرته طالبان‌دن، افغانستان یشاوچیلری‌نینگ قمچیله‌ش، قۉل کېسیش و اعدام قیلیش جزالری تۉخته‌تیلیشی‌نی سۉره‌گن اېدی.
عین حالده طالبان اېسه، اسلامی شریعت تطبیق اېتیلیشی‌نی اَیتیب و خلق‌ارا مملکتلر و نهادلردن افغانستان ایچکی موضوعلریگه اَره‌لشمسلیک‌لرینی سۉره‌گن اېدی.
