طالبان صناعت و سوداگرلیک وزیرلیگی بوکون یکشنبه، ۱۳ – حوت، کابلده افغانستان و اۉزبېکستان نینگ سوداگرلیک قوشیلیش ییغینی اوتکزیلگنیدن خبر بېردی.
بو وزیرلیک تامانیدن ترقه‌تیلگن بیانات‌گه اساس، مذکور ییغین‌گه طالبان رسمی‌لری، کابلده‌گی اۉزبېکستان اېلچیسی همده ایکی مملکت سوداگرلری و تدبیرکارلری اشتراک اېتیشگن.
بو ییغین اشتراکچیلری، افغانستان‌ده سرمایه یاتقیزیلیشی همده افغانستان بیلن اۉزبېکستان آره‌سیده‌گی اقتصادی علاقه‌لر کوچه‌یشینی اورغوله‌شگن.
طالبان صناعت و سوداگرلیک وزیرلیگی نینگ رسمی‌لری بو ییغین‌ده، اۉزبېکستان سوداگرلری و تدبیرکارلریدن افغانستان‌ده تورلی بولیم‌لر اینقسه، افغانستان نینگ بیش زونیده پروسس بۉییچه سرمایه یاتقیزیشلرینی سۉره‌گن.
