بوکون دوشنبه ۲۱- حوت دنیانینگ کۉپلب مملکت‌لری جمله‌دن افغانستانده رمضان آیی‌نینگ بیرینچی کونی اعلان اېتیلدی.
رمضان آیی بو ییل افغانستان‌گه ییتیب کېلگن بیرحالده، حاضر افغانستان اهالیسی‌دن کوپینچه‌سی جدی اقتصادی قیینچیلیکلر بیلن یوزمه‌یوز دیر.
افغانستانده بیرلشگن ملتلر تشکیلاتی آذیق-آوقت دستورینی اعلان قیلیشیچه، حاضر افغانستان اهالیسی‌دن کۉپینچه‌سی بیر وقت آوقت‌نی تیارلش‌گه کوچی ییتمه‌یدی.
مذکور تشکیلات بو خصوصده ایکس صحیفه‌سیده بیر مطلب ترقه‌تیش بیلن خواطر بیلدیرگن.
اَیتیش کېره‌ک که اۉتکن ایکی ییل جریانیده افغانستان نینگ اقتصادی وضعیتی یامان‌لشگنی باعث کوپلب عایله‌لر تیریکچیلیک دوامی اوچون انسان‌پرورلیک یاردملرگه محتاج بولیب قالگن.
