طالبان مدافعه وزیرلیگی پاکستان‌نینگ پکتیکا و پکتیاگه قیلگن هجوم‌لریگه حربی جواب بیریلگنی‌نی اعلام قیلگن بیرحالده، خوست‌نینگ تنی اولوسواللیگیده طالبان و پاکستان حربی‌لری آره‌سیده تۉقنه‌شوو باشلنگنیدن گزارش ترقه‌تیلماقده.
منبعلرنینگ معلوماتی اساسیده، طالبان و پاکستان حربی‌لری بوکون دوشنبه 28- حوت خوست نینگ تنی اولوسواللیگیده‌گی ورژله چېگره منطقه‌سیده بیر بیراولری بیلن تۉقنه‌شگن.
اوشبو تۉقنه‌شوو نینگ تلفاتی و ضررلری توغریسیده حاضرگچه بیلی بیر خبر قۉلگه کېلمه‌گن.
نېچه ساعت آلدین طالبان مدافعه وزیرلیگی ملا محمدیعقوب مجاهد دن نقل قیلیب بیر خبرنامه ترقه‌تیب ایتیشیچه، اوشبو وزیرلیک حربی‌لری پکتیکا و خوست‌ده پاکستان حربی‌لری تامانیدن اویوشتیریلگن هوایی هجوم‌لرگه جواب، چېگره اطرافیده‌گی پاکستان حربی‌لری نینگ قرارگاه‌لرینی آغیر هجوم آستیده آلگن.
ایتیش کېره‌ک که، حاضر اېسه پکتیکا ولایتی‌نینگ برمل اولوسواللیگیده‌گی انگور اده و پکتیا ولایتی‌نینگ دندپتان اولوسواللیگیده طالبان و پاکستان حربی‌لری آره‌سیده تۉقنه‌شوو دوام اېتیب کېلماقده.
پاکستان اۉتگن کېچه پکتیکا و خوست ولایتی‌نینگ ایریم منطقه‌لریده هوایی هجوم اویوشتیردی که طالبان نینگ معلوماتی اساسیده، اوشبو هجوم‌لرده اوچ باله و بېش عیال شامل 8 کیشی جان بېرگن.
