روسیه طالبان بیلن یخشی علاقه‌ده بۉلگن مملکتلر جمله‌سیدن دیر و حاضر بو مملکت بیلن طالبان آره‌سیده یخشی دیپلوماتیک علاقه‌لر موجود.
اوشبو علاقه باعث، بیرلشکن ملتلر تشکیلاتی خوفسیزلیک کېنگش نینگ دایمی اعضالریدن بۉلمیش روسیه مملکتی، بو تشکیلات چیکلاولرینی نظرگه توتمه‌ی طالبان‌دن میزبان‌لیک قیلماقده.
روسیه تامانیدن یره‌تیلگن زمینه‌لر باعث، اخیرگی کونلر ایچیده، طالبان اوچ مقامی بو مملکت‌گه سفر قیلگن.
بوندن بیر نیچه کون ایلگری، طالبان ایش و اجتماعی ایشلر وزیری عبدالمنان عمری روسیه‌گه سفر قیلیب، بو مملکتده یۉلگه قوییلگن ییریک بیر اقتصادی ییغین‌ده اشتراک قیلدی.
بونی آرتیدن، حاضر طالبان نینگ معارف و عالی اوقوو وزیرلیکلری نینگ سرپرست‌لری هم روسیه‌گه جونه‌ب کېتگن.
روسیه شوندی بیرحالده، طالبان علاقه‌لرینی یخشی‌لنتیرماقده دیر که بو مملکت طالبان حاکمیتی آستیده بۉلگن افغانستان‌دن چیققن ترورچیلیک تهدیدلریدن خواطر بیلدیریب کېلماقده.
اخیرگی کونلر ایچیده، روسیه سابق مدافعه وزیری و حاضر بو مملکت خوفسیزلیک کېنگش‌نینگ کاتبی سرگی شویگو، افغانستان‌ده ترورچی گروه‌لر فعال دېب، بو گروه‌لر اورته آسیا مملکتی خوفسیزلیگینی خوف آستیده قویگن دېگن.
