خلق ارا ساغلیقنی سقلش تشکیلاتی یقینده بیر گزارش نشر قیلیب، افغانستان‌ده ساغلیقنی سقلش بۉییچه کۉرسه‌تیله‌دېگن خذمت‌لرده‌گی موجود قیینچیلیکلردن قتّیق خواطر بیلدیرگن.
اوشبو تشکیلات تامانیدن بېریلگن معلومات‌گه کۉره، افغانستان بۉیلب اهالی‌نینگ ۹.۵ میلیونی، یېترلی درجه‌ده ساغلیق خذمت‌لریگه اېریشله آلمه‌یدیلر.
بو تشکیلات اۉزی‌نینگ گزارشیده، ساغلیق خذمتلری یخشی بۉلمه‌گنی باعث حاضر افغانستان‌ده کونده، ۲۴ آنه و ۱۶۷ باله اۉله‌دیلر دېب معلوم قیلگن.
اوشبو گزارش، مذکور آنه‌لر و باله‌لر توغیش و توغیلیش چاغی، امکانیت‌سیزلیکلر باعث علاجی بۉلگن کسللیکلر عاقبتیده وفات قیله‌دیلر دېب ایتگن.
خلق ارا ساغلیقنی سقلش تشکیلاتی، حاضر افغانستان اهالیسی ناقرار ساغلیق تیزیمی، آذیق-آوقت آزلیگی و تۉییب-آوقت‌لنمسلیک کبی جدی قیینچیلیکلر بیلن یوز مه یوز اېکنلیکلرینی قۉشیمچه قیلگن.
تشکیلات، تېزلیکده بو تۉغریده افغانستان‌گه دېیرلی یاردم کۉرسه‌تیلمه‌گن تقدیرده، اوشبو معمالر کۉلمی آشیشیدن آگاهلنتیرگن.
