امریکا تشقی ایشلر وزیرلیگی یقین‌ده بیر ترقه‌تیب، افغانستان خصوصیده ایریم خواطرلرنی بیان قیلگن.
اوشبو گزارش‌ده، افغانستان‌ده باله‌لردن حربی مقصدلرگه ناتوغری فایده‌لنیش دوامی، خاتین-قیزلرگه قرشی طالبان یامان یانده‌شووی و انسان قاچاق اېتیلیشی توغریسیده توجه قره‌تیلیب، بو خصوص‌لرده خواطر بیلدیریلگن.
امریکا تشقی ایشلر وزیرلیگی نینگ گزارشی گه اساس، طالبان، داعش همده ملی مقاومت جبهه‌سی، حاضر هم باله‌لردن حربی مقصدلرگه جدی ناتوغری فایده‌لنه‌دی.
شونینگدېک، بو گزارش‌ده طالبان نینگ افغانستان خاتین-قیزلریگه قرشی یامان یانده‌شووی دوامیدن هم خواطر بیلدیریلگن.
بو گزارش‌ده کیریتیلگن باشقه مساله، افغانستان‌دن انسان قاچاق اېتیلیشی دوامی دیر که بو خصوصده امریکا تشقی ایشلر وزیرلیگی جدی خواطر بیلدیرگن.
بو وزیرلیککه کۉره، انسان قاچاق اېتیلیشی آلدی آلینیشی مقصد طالبان تامانیدن هیچ قندی بیر آدیم کوتاریلمه‌گن بلکیم بو توغریده بۉلگن قانون‌لرهم طالبان اداره‌لری تامانیدن عملگه آشیریلگن اېمس.
