فاریاب ولایتی بلچراغ اولسواللیگی یشاوچیسی بۉلمیش گل محمد ناملی بیر ییگیت طالبان کوچلری تامانیدن، شفقت‌سیز جزالنیشی جدی واکنش‌لرگه باعث بۉلدی.
فاریاب ولایتیدن بۉلگن محلی منبع‌لرنی اۉزبېک تی‌وی‌گه ایتیشیچه، ۲۰ یاشر بو ییگیت فاریاب ولایتی بلچراغ اولسوالیگیده، طالبان کوچلری تولی نینگ قومندانی قاری بلال عبدالله بویروغی اساسیده شفقت‌سیز جزالنگن.
طالبان رسمی‌لری بو قضیه‌گه باغلیق آلتی کیشی قۉلگه آلینگنیدن خبر بېرگن و شونینگدېک ینه تۉرت کیشی هم تعقیب آستیده دیگن.
طالبان تامانیدن بو قضیه‌گه عیب‌لنیب قۉلگه آلینگن کیشی‌لرنی کیم‌لیگی آچیق‌لنمه‌گن و حاضرگه قدر قۉلگه آلینگن شخص‌لر ایچیده، تولی قومندانی هم بارلیگی بیللی اېمس.
عینی حالده، طالبان بو کیشی‌لرنی قندی محاکمه قیلیشی و قضیه قربانی حقیده قنچه‌لیک عدالت‌نی تامین‌لشی هم حاضرگه قدر انیق بیللی اېمس.
