بامیان و بدخشان ولایتلری نینگ ایریم حدودلری اۉتگن کیچه و کوندوز ایچیده یامغیر یاغیشی بیلن بیرگه سوو تاشقینی یوز بیریشی‌گه گواه اېدی.
بامیان ولایتیدن بۉلگن معلومات‌لرگه کۉره، بو ولایت نینگ یکاولنگ اولسواللیگیده سوو تاشقینی کمیده ۱۵ کیشی‌نی اۉلیب و یوقالیشی‌گه باعث بۉلگن.
شونینگدېک، مذکور سوو تاشقینلری بامیان ولایتیده کۉپلب یشش اوی‌لر و ایکین‌زارلرنی هم تخریب قیلگن.
عینی حالده، بدخشان ولایتیدن نشر اېتیلگن معلومات‌لر هم بو ولایت نینگ یمگان اولسواللیگیده یوز بېرگن سوو تاشقینلری، جدی مالی زیان‌لرگه باعث بۉلگنیدن خبر بېرماقده.
معلومات‌لرگه کۉره، اوشبو اولسواللیکده‌گی سوو تاشقینلر، ۳۰ یشش اوی، ۳۰۰ جریب ایکین‌زار، بیر مکتب و اوچ مسجد بناسی بوزیلیشی‌گه باعث بۉلگن.
