بیرلشگن ملتلر تشکیلاتی تامانیدن افغانستان خصوصیده کمیده ۳۰ مملکت و تشکیلات وکیللری اشتراکی بیلن اوتکزیلیشی کۉتیلگن دوحه اوچینچی دور ییغینی کون اۉتیشی بیلن یقین‌لشماقده.
دوحه ییغینی، اوتمیش‌لرده اونملی بیر نتیجه‌ده ایریشمه‌گن بۉلسه هم بیراق، افغانستان اوچون مهم جریان‌لردن بیری دیر که بیرلشگن ملتلر تشکیلاتی ابتکاری بیلن اۉتگن اوچ ییل ایچیده اوتکزیلدی و بو ییغین‌نی حاضر اوچینچی دوری یۉل‌ده.
بو ییغین‌نی اۉتگن ایکی دوری، طالبان‌نینگ حضورسیزلیگی باعث نتیجه بیرمه‌گنی اَیتیلماقده و حاضر کیله‌سی ییغین (اوچینچی دوری» اېسه طالبان هیاتی حضوری بیلن اۉتکزیلیشی، اونینگ عملی بیر نتیجه‌گه ایریشیشی خصوصیده بیر آز امیدلرنی یره‌تگن.
عین حالده، بو ییغین‌نی عملی نتیجه بیریشی برابریده نیمه توسیق‌لیکلر بار و طالبان قنچه‌لیک افغانستان مساله‌سی خصوصیده ییچیم یۉل تاپیش مقصد بو ییغینده اشتراک اېتماقده دېگن سوراقلر بیلن بو یازووده دوحه کېله‌سی ییغینی نتیجه‌سینی تحلیل قیلیش‌گه اۉلگورگن‌میز.
اخیرگی اوچ ییل ایچیده افغانستان خصوصیده اۉتکزیلگن ییغین‌لر همده دنیا طلب‌لریگه بۉلگن طالبان مناسبتی دن کېلیب چیققن حالده، ایتیش ممکن که دوحه کیله‌سی ییغینی عملی نتیجه بیریشی قرشی‌سیده قوییده‌گی مساله‌لر، توسیق‌لیک یره‌تیشی گمان‌دن تشقری اېمس.
آجندا و ترکیب اوستیده‌گی قرمهقرشیلیکلر
افغانستان اوچون بۉلگن مهم جریان‌لردن بۉلمیش بیرلشکن ملتلر تشکیلاتی میزبان‌لیگیده‌گی، دوحه اوچینچی دور ییغین‌نی ایکی اۉیینچی «بیرلشگن ملتلر تشکیلاتی و طالبان» دن عبارت دیر، یعنی بو دیگنی مذکور ییغین‌نی ایکی عملی تامانی طالبان و بیرلشگن ملتلر تشکیلاتی دیر. شوندی ایکن کۉرینیشیچه، بو ایکی تامان آره‌سیده ییغین همده اونینگ آجنداسی توغریسیده، بیر کېلیشوو و اویغونلیک یۉق. چونکه حاضرگه قدر بیرلشگن ملتلر تشکیلاتی و طالبان دوحه ییغینیده محاکمه اېتیلیشی کۉتیلگن موضوع‌لردن ایکی خیل تعریف بیریب کېلماقده.
بیرلشگن ملتلر تشکیلاتی نینگ اعلان قیلیشیچه، دوحه اوچینچی دور ییغینیده، افغانستان‌گه عاید باشقه مساله‌لر یانیده، بو مملکت خاتین-قیزلری وضعیتی و حقلری دوحه‌ده بحث اېتیلیشی ممکن بۉلگن مهم موضوع‌لردن دیر.
بیراق طالبان اېسه بو ییغین آجنداسی و اونگه بحث اېتیلیشی کۉتیلگن موضوع‌لردن فرق‌لی راق تعریف بېره‌دی و طالبان‌گه کۉره، مذکور ییغینده خاتین-قیزلر و انسان حقلری اونچه‌لیک برجسته بۉلمه‌ی بلکیم بو ییغینده کۉپینچه اقتصادی مساله‌لر جمله‌دن، افغانستان بانکی تیزیمی، انسان‌پرورلیک یاردملر و مخدره ماده‌گه قرشی کوره‌ش مساله‌لری تیکشیریله‌دی.
بو ایکی خیل آجنداگه قره‌گنده، طالبان بیلن بیرلشگن ملتلر تشکیلاتی آره‌سیده‌گی ییغینده قیسی مساله اساسیده و قندی اۉتکزیلیشی باره‌سیده هیچ قندی بیر کیلیشوو و اویغونلیک یۉق، بو اېسه مذکور ییغین‌نی ایجابی نتیجه بېریشی خصوصیده سلبی تاثیر قوییشی ممکن.
ایتیش کېره‌ک که نشر اېتیلگن گزارش‌لرگه اساس، امریکا قۉشمه ایالتلری و بریتانیا هم دوحه ییغینی آجنداسی و ترکیبی‌دن راضی اېمس، شو باعث بو ایکی مملکت بیرلشگن ملتلر تشکیلاتی نینگ اوشبو ییغینیده یوقاری مرتبه‌لی هیات یوبارمسلیکلری ممکن. بوندی بۉلگن تقدیرده، دوحه ییغینی عملی بیر نتیجه‌ده قۉل تاپیشی خصوصیده بۉلگن امیدسیزلیکلر کوچه‌یشی ممکن دیر.
ییغین خصوصیده بۉلگن جدیت‌سیزلیکلر
بیرلشگن ملتلر تشکیلاتی نینگ دوحه‌ده‌گی بو دور ییغینی، مذکور تشکیلات باش کاتبی نینگ اۉرین باسری روزمری دیکارلو میزبان‌لیگیده اۉتکزیلیشی ریجه‌لشتیریلگن، حالانکه بو ییغین‌نی اۉتگن ایکی دوری، بیرلشکن ملتلر تشکیلاتی باش کاتبی نینگ میزبان‌لیگیده اۉتکزیلگن اېدی، دیمک بو دور ییغین اۉتگن دورلرگه نسبتن قویی‌راق ترکیب بیلن اۉتکزیلماقده و بوندن بیرلشگن ملتلر تشکیلاتی نینگ دوحه ییغینی اوچون اۉتگن دورلردیک قیزیقیشی یۉق‌لیگینی سیزیش ممکن.
عینی حالده، طالبان هم اونچه‌لیک عالی مرتبه‌لی هیات بو ییغینده یوباریش‌گه قرار قیلمه‌گن و بیرلشکن ملتلر تشکیلاتی طالبان تامانیدن بو ییغینده بو حاکمیت تشقی ایشلر وزیری امیرخان متقی دیک ییریک هیاتی اشتراک اېتیشینی کۉتگن اېدی، بیراق حاضر طالبان سۉزلاوچیسی ذبیح الله مجاهد ییتکچیلیگیده بۉلگن و بیر نیچه معین و قویی مرتبه‌لی طالبان اعضالری‌دن شکل‌لنگن ترکیب بیلن مذکور ییغینده اشتراک اېتماقده بو بیلن ایتیش ممکن که طالبان و بیرلشگن ملتلر تشکیلاتی نینگ ترکیبی هم دوحه اوچینچی دور ییغینیده کۉتیلگن دیک بیر هیات اېمس.
بوندن اوتیب، ایتیش کېره‌ک که طالبان هردایم ییغین‌لرده و جریان‌لرده فقط اۉز گپ‌لری و فکرلری بها بیریلیب و قدرله‌نیشینی اورغولب کېلماقده و بو ییغینده هم خاتین-قیزلر حقلری کبی طلب‌لرگه تَن بیریشی بیر آز قیین کۉرینه‌دی.
دنیا قدرت‌لری آره‌سیده‌گی قرمهقرشیلیکلر
افغانستان خصوصیده بۉلگن ییغین‌لر و بحث‌لر اوستیده، دنیا کوچلری اینیقسه امریکا، چین و روسیه آره‌سیده‌گی قرمهقرشیلیکلر هردایم سایه تشله‌گن.
افغانستان خصوصیده بۉلگن بو کیلیشماوچیلیک‌نی دوحه ییغینیده هم کوتیش ممکن و بو کیلیشماوچیلیک اېسه افغانستان خصوصیده بۉلگن بیرلشکن ملتلر تشکیلاتی قرارلرینی عملگه آشیریلیشی گه یۉل قۉیمه‌یدی.
چونکه بیز اوشبو قرمهقرشیلیکلر باعث، دوحه ییغینی اۉتگن دورلری‌ده افغانستان خصوصیده آچیق بیر قرار آلینمسلیگی همده بیرلشکن ملتلر تشکیلاتی افغانستان بۉییچه مخصوص بیر وکیل تانیشتیریش‌گه موفق بۉلالمه‌گنی گه گواه اېدیک.
ایتیش کېره‌ک که افغانستان خصوصیده بۉلگن سۉزلشوولرنی نتیجه بیریشی اوچون مهم بۉلگن نرسه‌لردن ینه بیری بو دیر که اوشبو سۉزلشوولرده افغانستان‌لیک برچه تامان‌لر نظرگه توتیلیشی دیر. یوقاریده ایسلب اۉتیلگن مساله‌لر حل اېتیلگن تقدیرده هم دوحه ییغینی کبی جریان‌لرنی ایجابی نتیجه بیریشی اوچون بو جریان‌لرده، خاتین-قیزلر همده افغانستان برچه یشاوچیلری و قوملرنی حضوری و جایگاه‌سی نظرگه توتیلیشی مهم دیر و دوحه اوچینچی دور ییغینیده حاضرگه قدر بو مساله اونچه‌لیک نظرگه توتیلمه‌گن و بو هم اېسه ییغین‌نی سلبی تامان‌لری دیر که ییغین برابریده بۉلگن امیدسیزلیکلرنی کوچلنتیره‌دی.
