کابل شهری یشاوچیلری اجتماعی صحیفه‌لرده یازگن بیانات‌لریده، طالبان تامانیدن کارته سخی زیارتیده ینگی ییل مناسبتی بیلن بۉلگن مراسم اۉتکزیلیشی آلدی آلینگنیدن خبر بېردی.
ایتیلیشیچه طالبان حربی کوچلری بو زیارت‌گه باستیریب باریب، زیارت‌ده اهالی حضوری و نوروز عَلمی کوتاریلیشی اوچون رخصت بېرمه‌گن.
شونینگدېک بو زیارت‌گه باریش یۉللری هم طالبان تامانیدن باغلنگنی معلوم قیلینگن.
ایتیش کېره‌ک که طالبان، افغانستان‌ده نوروز بیره‌می نشان‌لنیشی‌گه رخصت بېرمه‌گن و شو باعث اوچ ییل‌دن بیری اوشبو بیره‌م مملکتده نشان‌لنمه‌یدی.
