طالبان باش وزیرلیگی اقتصادی اۉرین باسرلیگی نینگ اعلام قیلیشیچه، هرات ولایتیده «دَم آلیش مجموعه‌سی» قوریلیشی بۉییچه بۉلگن ریجه تصدیق‌لنگن.
دېیرلی بو مجموع بیر میلیارد افغانی بودجه بیلن خصوصی سکتور تامانیدن قوریله‌دی.
ایتیلیشیچه «بام هرات» نامی آستیده‌گی اوشبو مجموعه قوریلیشی تۉرت مینگ‌گه یقین کیشی‌گه ایش زمینه‌سینی یره‌تَدی.
ایتیش کېره‌ک که هرات ولایتی، تیموری‌لر حکومتی تامانیدن قالدیریلگن میراث‌لر طفیلی، حاضر افغانستان‌ده اینگ کۉپ سیاح‌لرنی جذب ایتووچی ولایتلرده جمله‌سیدن دیر.
بو ولایتده تیموری‌لر دوری‌دن قالدیریلگن بنالر و تاریخی مکان‌لر خاص بیر اهمیت و چیرایلیک بېرگن.
تیموری‌لر اۉزلری نینگ یخشی حکومتدارلیگی و رواجلنگن فکرلری باعث شوندی آبادانچیلیکلرنی میراث قالدیریب کېتگن اېکن، بیراق بو یشیل دور و فخرلی تیموری‌لر حکومتی و مدنیتی هرات‌لیکلرگه اونچه‌لیک بیلدیریلگن اېمس. شو باعث بوکونلر هرات یشاوچیلری ییترلیچه تاریخ نینگ پارلاق دوری بۉلمیش تیموری‌لر دوری و بو سلاله نینگ بویوکلری بیلن تانیش اېمس دیر.
