بدخشان ولایتی ارگو اولسواللیگیده یوز بېرگن ایکّی علیحده ناتینچلیک واقعه نتیجه‌سیده ۸ کیشی اۉلیب و یره‌لنگن.
ایشانچلی منبعلرنینگ اۉزبېک تی‌وی گه ایتیشیچه، ارگو اولسواللیگی‌نینگ برلاس قیشلاغیده، موترسایکل‌گه مینیلگن قوراللی شخص‌لر ایکّی کیشی‌نی اۉققه توتیب اۉلدیرگن و ینه بیر کیشی‌نی یره‌لنتیرگن.
ایتیلیشیچه، یوزی یاپیق بۉلگن قوراللی بو شخص‌لر برلاس قیشلاغیده یۉل اوستیده اۉلتیرگن کیشی‌لر ایچیدن حاجی میرآغا دیگن شخص‌نی ۳۰دن آرتیق اۉق بیلن نشانگه توتیب اۉلدیرگن.
ایکی آقشم آلدین یوز بېرگن بو واقعه‌ده حاجی میرآغا ناملی شخص‌گه قوشیمچه ینه بیر کیشی جان بېریب و بیر کیشی هم یره‌لنه‌دی.
محلی اهالی برلاس قیشلاغی‌نینگ اۉزبېک بۉلگن بو اهالیسی کېم تامانیدن اۉلدیریلگنی هلی بیللی بۉلمه‌گنینی تاکیدلب، بیراق واقعه‌ده طالبان استخباراتی‌نینگ قۉلی بارلیگینی اَیته‌دیلر.
شونینگدېک، ینه بیر واقعه‌ده ارگو اولسواللیگی‌نینگ غوزیک دره قیشلاغیده ایکّی کیشی جان بېریب و اوچ کیشی یره‌لنگن.
بو شوندی بیرحالده دیر که طالبان حاکمیتیده، ناتینچلیک واقعه‌لری کۉپه‌ییب بارماقده.
