ننگرهار و پکتیکا ولایتلریده، اۉتگن آقشم‌دن بیری، طالبان و پاکستان کوچلری اۉرته‌سیده حاضرگچه بیر قنچه تۉقنه‌شوو، یوز بېرگنی حقیده خبر بېریلدی.
طالبان‌نینگ مدافعه وزیرلیگی تامانیدن نشر اېتیلگن معلوماتگه کۉره، پکتیکا ولایتی انگور اده حدودیده، اۉتگن کون پاکستان درونلری تۉرت ته هجوم اویوشتیرگن.
اوشبو هجوملردن سونگ، طالبان کوچلری پاکستان‌نینگ حربی پوسته‌لریگه هجوم اویوشتیرگن.
طالبان مدافعه وزیرلیگی ادعا قیلیشیچه، بو هجوملرده، پاکستان حربیلریگه ضربه بېریلگن بیراق بو گروه اۉز کوچلری هجوملردن زیان کۉرمه‌گنینی هم ادعا قیلگن.
شو بیلن بیرگه، بوگون ننگرهار ولایتی تورخم چېگره‌سیده هم پاکستان و طالبان کوچلری اۉرته‌سیده تۉقنه‌شوو یوز بېرگنی معلوم قیلینگن.
ایتیش کېره‌ک که طالبان و پاکستان اۉرته‌سیده‌گی تۉقنه‌شوولر و کېلیشماوچیلیکلر بیر قنچه وقت‌دن بیری دوام اېتیب کېلماقده.
