تورکیه جمهور باشلیغی رجب طیب اردوغان، ۲۱-عصر «تورک دنیاسی عصری» بۉلیشی‌گه چین یوره‌کدن ایشانیشینی بیان قیلگن.
اونینگ ایتیشیچه، انقره ده اۉتکزیله‌دیگن ییغین ینگی امکانیتلر یره‌تیب، تورکیه دولتلر تشکیلاتی‌نینگ خلق‌ارا مدنیت‌ده‌گی اۉرنی‌نی کوچه‌یتیره‌دی و ایناغه دولتلر آره‌سیده‌گی همجهت‌لیک‌نی ینه‌ده مستحکمله‌یدی.
اردوغان‌نینگ تورکیه دولتلر تشکیلاتی ۱۳-ییغینی اوچون یازگن مقاله‌سی، تشکیلات‌گه اعضا و کوزه‌تووچی دولتلرنینگ ییریک یېتکرمه‌لریده اعلام قیلینگن. «تورک دنیاسی عصری: همجهت‌لیک‌دن بیرلیک سری» دېب ناملنگن مقاله، آذربایجان، قزاقستان، قرغیزستان، اۉزبېکستان، شمالی قبرس تورک جمهورلیگی، تورکمنستان و مجارستان ده نشر ایتیلدی.
تورکیه جمهور باشلیغی انقره ییغینی اۉتکزیلیشی‌دن آلدین ترقه‌تیلگن بو مقاله‌ده، تورک دنیاسی بیرلیگی‌نی قۉشمه تاریخ‌دن قالگن قیمتلی میراث و کیله‌‌جک‌نی بیرگه‌لیکده قوریش اېسته‌گی‌نینگ افاده‌سی دېب بېلدیرگن.
اردوغان، عصرلر دوامیده تورلی قیین‌چیلیکلرنی باشدن کیچیرگن ایناغه خلقلر دایما بیر-بیری بیلن یقین علاقه‌ده بۉلگنی‌نی ایتدی. اونینگ اورغولشیچه، بوگون بو علاقه‌لر تورکی دولتلر تشکیلاتی آرقه‌لی سیاسی، اقتصادی، مدنی و باشقه ساحه‌لرده‌گی همکارلیک‌نی مستحکم‌لماقده.
او، انقره‌ده بۉلیب اوته‌دیگن ییغین و تورکیه‌نینگ بو تشکیلات‌گه نوبت‌ده‌گی ریاستلیگی اونملیگی‌‌گه اورغو بېرگن. تورکیه جمهور باشلیغی گه کۉره، تورک دولتلر تشکیلاتی ۱۳-ییغینی «تورک عصری: تیل‌ده، توشینچه‌ده و ایشده بیرلیک» شعاری آستیده اۉتکزیلیب و اعضا دولتلرنینگ عمومی مقصد یۉلیده بیرلشیشی اوچون مهم امکانیت بۉلیشی ممکن.
