طالبان تشقی ایشلر وزیرلیگی، ژورنالیست‌لر بیلن شریک قیلگن معلوماتیده، بو وزیرلیک سرپرستی امیرخان متقی پاکستان تشقی ایشلر وزیری محمد اسحاقدار بیلن اوچره‌شگنیدن خبر بېردی.
طالبان تشقی ایشلر وزیرلیگی نینگ اعلام قیلیشیچه، اوشبو اوچره‌شووده ایکی تامانلمه همکارلیکلر، سوداگرلیک و ترانرزیت ساحه‌لریده‌گی معمالرگه ییچیم-یۉل تاپیلیشی همده پاکستان‌ده افغانستان‌لیک مهاجرلر وضعیتی کبی مساله‌لر خصوصیده، فکر المشتیریلگن.
دیمک بو اوچره‌شوو، پاکستان تشقی ایشلر وزیری نینگ کابل‌گه بۉلگن سفری چارچوبه‌سیده بۉلیب اۉتگن.
طالبان نینگ ادعا قیلیشیچه، پاکستان تشقی ایشلر وزیری افغانستان بیلن سوداگرلیک، ترانزیت و اقتصادی همکارلیکلر جمله‌دن تاپی، تاپ، کاسابیرمینگ و شونگه اوخشش باشقه مشترک اقتصادی لایحه‌لر عملگه آشیریلیشی تۉغریسیده، همکارلیکلرینی آشیریش‌گه تیارگرلیک کۉرسه‌تگن.
شونینگدېک طالبان، پاکستان تشقی ایشلر وزیری، بو مملکتده افغانستان‌لیک مهاجرلر احوالی خصوصیده، دقت اېتیلیشی‌گه هم وعده بېرگن.
ایتیش کېره‌ک که پاکستان تشقی ایشلر وزیری و بو مملکت باش وزیری نینگ اۉرین باسری، بیر هیات ییتکچیلیگیده کابل کېلگن و طالبان باشقه یوقاری مرتبه‌لی رسمی‌لری بیلن هم، اوچره‌شیشی کوتیله‌دی.
