اۉزبېک تی‌وی منبع‌لری نینگ ایتیشیچه، افغانستان‌لیک ۸ کیشی تورکیه اۉتیش چاغی، بو مملکت حربی‌لری تامانیدن قۉلگه آلینیب، کلتک‌لنگندن کیین، ساووق هواده جان بېره‌دی.
بو حقده اۉزبېک تی‌وی اختیاریده قۉییلگن معلوماتلرگه کۉره، اوشبو واقعه‌ده قربان بۉلگنلردن تۉرت کیشی اۉزبېک جمله‌سیدن، ایکی کیشی بلخ ولایتی بوینی‌قره/شولگره اولسواللیگی نینگ «قیزیل‌کینت» منطقه‌سی یشاوچیسی و ینه ایکی کیشی هم مذکور اولسواللیک نینگ «قوچی» منطقه‌سیدن دیر.
بو حقده اۉزبېک تی‌وی منبع‌لریدن بیری نینگ ایتیشیچه “البته واقعه‌ده ۸ کیشی جان بېرگن که بو کیشی‌لر جمله‌سیدن تۉرت کیشی اۉزبېک دیر. اۉزبېکلردن هم ایکی کیشی قیزیل کینت منطقه‌سیدن و ایکی کیشی هم قوچی منطقه‌سیدن دیر همده قربان بۉلگنلر ینه بیرته‌سی شولگره اولسواللیگی نینگ خیرآباد قیشلاغی یشاوچیسی و هزاره‌لرده بۉله‌دی.”
واقعه‌ده قربان بۉلگن قیزیل‌کینت منطقه‌سی یشاوچیلریدن محمدیاسین منصوری و قاری فضل‌الحق نظری دېب آت توتیلگن و واقعه باشقه قربان‌لری حقیده آرتیقچه معلومات یۉق دیر.
منبع‌لردن بیری نینگ بو کیشی‌لر قندی جان بېرگنی حقیده ایتیشیچه “بو کیشی‌لر تورکیه تامان جونه‌گن اېکن که تورکیه عسکرلری قۉلی‌گه توشه‌دی. اولرنی عسکرلر کۉپ اۉره‌دی کیین اولر یره‌لنیب ساووق هواده جان بېره‌دی.”
اوشبو واقعه اۉتگن کون چهارشنبه ۳ – ثور، یوز بېرگن و حاضرگه قدر اولرنینگ جنازه‌سی هم آلیب کېلینگن اېمس دیر.
