کشمیرده سیاح‌لرگه قرشی اۉیوشتیریلگن هجوم آرتیدن هندوستان حکومتی، قوشنی‌سی پاکستان‌گه قرشی بیر قنچه دیپلوماتیک باسیم‌لرنی قۉلگه آلگن.
هندوستان حکومتی نینگ اعلام قیلیشیچه، بو مملکت پاکستان بیلن علاقه‌لرینی چېکله‌نتیریش مقصدیده «واگه» چیگره‌سینی باغله‌یدی و سند سووی بۉییچه بۉلگن کېلیشوونی هم بیکار قیله‌دی.
بونگه قوشیمچه هندوستان حکومتی، پاکستان‌لیک بیر قنچه دیپلومات‌لرنی چیقاریش همده پاکستان‌لیک بیر قنچه شخص‌لرنینگ ویزاسینی هم بیکار قیلگن.
ایتیش کېره‌ک که اپریل آیی نینگ ۲۲ – کونی، کشمیرده اۉیوشتیریلگن قورالی هجوم عاقبتیده کمیده ۲۶ سیاح اۉلدیریلگن اېدی. اوشبو بورچ‌نی «کشمیر قرشی‌لیگی» گروهی اۉز بوینی‌گه آلگن.
عینی حالده، هندوستان پولیس کوچلری تامانیدن، کشمیرده سیاح‌لرنی اوققه توتگن ترورچی‌لر قۉلگه آلینیشی‌گه یاردم بېرگن هر قندی معلومات اوچون مکافات هم اعلام قیلگن.
