سرپل ولایتیده ناتانیش قورالی شخص‌لر، شیر پادشاه ناملی بیر کیشی‌نی آتیب اۉلدیرگن.
اۉزبېک تی‌وی منبع‌لری نینگ ایتیشیچه، اوشبو واقعه اۉتگن کون یکشنبه ۱۴- ثور اېرته‌لب، سرپل شهریده یوز بېرگن.
ایتیلیشیچه واقعه‌ده قربان بۉلگن شخص، اصلی سرپل ولایتی کوهستانات اولسواللیگی نینگ «خمدان» منطقه‌سی یشاوچیسی دیر.
شیر پادشاه یقین‌لری نینگ اۉزبېک تی‌وی گه ایتیشیچه، بو کیشی شخصی محنت بیلن شغللنیب، سیاسی و خوفسیزلیک جریان‌لر بیلن هیچ قندی علاقه‌سی یۉق اېدی.
عینی حالده ایتیلیشیچه، شیرپادشاه نینگ ایناغه‌سی سابق حکومت دوریده محلی کوچلر/اربکی کوچلر اعضالریدن بیری اېکن.
حاضرگه قدر بو کیشی نیمه سبب و کیم تامانیدن اۉلدیریلگنی انیق بیللی اېمس دیر.
