طالبلرنینگ مالیه وزیرلیگی پاکستاندن دارو-درمان آلیب کیلیشنی منع اېتیشنی بوگوندن (دوشنبه،۲۰دلو) کوچگه کیرگنینی اعلان قیلدی.
طالبان مالیه وزیرلیگی مطبوعات سۉزلاوچیسی عبدالقیوم نصیرنینگ ایتیشیچه، مملکت بۉیلب برچه باجخانهلرده پاکستانلیک دارو-درمانلرنینگ صادراتی تۉختهتیلهدی.
طالبان اۉتگن ییلنینگ اکتوبر آییده پاکستان بیلن بیر هفته دوام اېتگن تۉقنهشوولردن سۉنگ، پاکستاندن دارو صادراتینی منع قیلیش قرارینی اعلان قیلگن اېدی.
طالبلر باش وزیرینینگ اقتصادي مسألهلر بۉییچه اۉرینباسری عبداالغنی برادر دارو سوداگرلریگه پاکستاننینگ شرکتلری بیلن بۉلگن مالیوي حساب-کتابلرنی اوچ آی ایچیده یکونلش اوچون مهلت بېرگن.
مذکور قراردن سۉنگ، طالبان مالیه وزیرلیگی۲۰ دلودن (بوگوندن) باشلب پاکستاندن آلیب کېلینگن دارولر باجخانهلرده رسميلشتیریلمسلیگینی معلوم قیلدی.
پاکستاندن دارو-درمان صادراتی منعقلنگچ، افغانستانده دارو-درمان و دوالنیش نرخلری کېسکین آشدی، بو اېسه بېمارلر اوچون جدّي معمالرنی کېلتیریب چیقردی.
