طالبان نینگ پروانده‌گی محلی رسمیلری سالنگ عمومی قتناو یۉلی ایکّی هفته‌گچه فقط یۉلاوچی تاشووچی موترلر یوزیگه آچیلیشی ممکن دېگنلر.
بو قبیل اظهاراتلرنی پروان اوچون طالبلر والیسی عبدالعلی قدرت‌الله امینی ۸- قوس چهارشنبه کونی سالنگ عمومی قتناو یۉلینی یقیندن باریب کۉرگنده تیلگه آلگن.
امینی، سالنگ عمومی یۉلینی قیته قوریش ایشی ایکّی هفته‌گچه توگه‌یدی دېگن.
ایکّی ایدن کۉپراق وقتدن بېری سالنگ عمومی قتناو یۉلینی قیته قوریش ایشی جریانده و مذکور یۉل هنوزگچه هر قنده‌ی باریش کېلیش اوچون یاپیب قۉییلگن.
طالبان کنترولیده‌گی فواید عامه وزیرلیگی ۱۹- سنبله بو یۉلنی تونل ایچی قیته تیکله‌نیشی مقصدیده باریش – کېلیش اوچون عموما باغلنگن دېب اعلان قیلگن اېدی.
شیبر و خاواک کوتللری آرقلی مملکت شمالی و شمال شرقی ولایتلرینی قتناوچی هیداوچیلر همده یۉلاوچیلر، بو یۉل اوزاق توشیشی بیلن بیرگه کرا ایکّی برابرگه کۉتریلگینینی ایته‌دیلر.
