کابلنینگ پولیتخنیک بیلیم یورتی محصللریدن بیری حکمتالله تورکستانی اۉزبېک تیوی بیلن بۉلگن صحبتیده ادعا قیلیشیچه، بو بیلیم یورتده اۉزبېکلرگه تېگیشلی قیزیل تاقّی منع قیلینگن.
بو طلبهنینگ ایتیشیچه، اوشبو چېکلاو شنبهدن کوندن بېری جاری اېتیلیب، سهشنبه کونی اونینگ اۉزبېک تاقّیسی بیلیم یورتلر مسووللری تامانیدن باشیدن آلینگن.
تورکستانی بو مسالهنی اۉزینینگ فیسبوک صحیفهسیده هم بیر بیانات یازیب، اعلام قیلگن.
شونینگدېک، تورکستانی ینه بیر محصل اوشبو تاقّیدن فایدهلنگنی سبب بیلیم یورت یاتاقخانهسیدن چیقاریلیشگه تهدید اېتیلگنینی ایتهدی.
اونینگ بو حقده ایتیشیچه: «شنبه کوندن بېری قیزیل اۉزبېک ـ سرپلی دوپی پولیتخنیک بیلیم یورتیده منع قیلینگن و بو دوپینی کیېگن کیشیلرنی حتی لیلیه طعامخانهسیدن چیقاریب و ینه بیر کیشیکه بو کلاهنی کیماقچی بۉلسه طعامخانهده آذوقهسینی بند بۉلیشی و لیلیهدن چیقاریب یوباریلیشینی بیلن تهدید بۉلگن.»
اوشبو چېکلاو، کابل بیلیم یورتیده طالبان عالی اۉقوو وزیرلیگینینگ اۉزبېکلرنینگ بو باش کییمیگه حرمتسیزلیگی و بو حرکتگه نسبتن ناراضیلیکلر کوچهیشیدن آرتیدن جاری اېتیلماقده .
پولیتخنیک بیلیم یورتی طلبهسیگه کۉره، بیلیم یورت مسووللری بو تاقّی منظور پشتینگه تېگیشلی دېب، اۉزبېک طلبهلر برابریده چېکلاو یرهتگن.
