اۉزبېکستان جمهور باشلیغینینگ افغانستان بۉییچه مخصوص وکیلی عصمتالله ایرگشاف و بو مملکتده ناروی اېلچیسی هلن سند اندرسن اۉرتهسیده اۉتکزیلگن اوچرهشووده افغانستان خصوصیده فکر المشتیریلدی.
اۉزبېکستان تشقی ایشلر وزیرلیگی بوحقده نشر قیلگن بیاناتیده ایتیلیشیچه، اوچرهشووده افغانستان خصوصیده اۉزبېکستان و ناروی همکارلیکلری خصوصیده بحث اېتیلگن.
بیاناتده کېلیشیچه: «اوچرهشوو دوامیده تامانلر افغانستان یۉنهلیشیدهگی اۉز-ارا همکارلیکلرنینگ جاری حالتینی محاکمه قیلیب، افغان معماسینی حل اېتیش بۉییچه منتظم ملاقاتنی دوام اېتتیریشدن منفعتدار اېکنلیگینی تأکیدلهدی.»
شونینگدېک، تامانلر افغانستان اقتصادیاتینی رواجلنتیریش و بو مملکتنی منطقوی جریانلرگه قوشیش مسالهلرینی کۉریب چیققنلری هم معلوم قیلیندی.
ناروی اېلچیسی افغانستان بۉییچه منطقوی درجهده یگانه یاندهشوونی شکللنتیریش بارهسیده اۉزبېکستاننینگ سعی-حرکتلرینی یوقاری بهالهدی.
