طالبان تشقی ایشلر وزیری امیرخان متقی ینگی بیاناتیده ادعا قیلیشیچه، بو گروهنینگ حکومتیده برچه قوملر حضوری بۉییچه موازنت نظرده توتیلگن.
متقی بو مسالهنی طالبان رهبرینینگ ناتۉغری ایشلرنی آلدینی آلیش مقصدیده بۉلگن فرمانی حقیده بۉلگن صحبتلریده تیلگه آلگن.
طالبان تشقی ایشلر وزیری، شونینگدېک بو گروه حکومتیده قیشلاق و شهر یشاوچیلری هم بیرخیل حضوری بارلیگینی ادعا قیلیب، بو گروهنینگ یرهتگن موازنتی یخشی نتیجه بېرگن دېب معلوم قیلدی.
طالبان تشقی ایشلر وزیری شوندی بیرحالده بو ادعانی تیلگه آلماقده دیر که بو گروهنینگ حکومتی رسمیلری بوتونلهی گروه اعضالری و کۉپینچه پشتونلر دیر.
اۉزبېک تیوی تیارلهگن تحقیقی گزارشگه کۉره، طالبان کۉپلب جمعیتی اۉزبېکلر بۉلگن شمال و شمالشرق ولایتلریدهگی والیلردن هیچ بیرینی اۉزبېکلردن اېمس.
شونینگدېک، بو حدودلرنینگ باشقه ادارهلری هم کۉپینچه پشتونلرگه تاپشیریلگن.
