طالبان ساغلیقنی سقلش وزیرلیگی بوگون چهارشنبه ۲ – ثور، بیر بیانات نشر قیلیب، بو گروهنینگ ساغلیقنی سقلش وزیری نورجلال جلالی، کابلده روسیه اېلچیسی دیمیتری ژیرنوف بیلن اوچرهشگنیدن خبر بېردی.
اوچرهشووده، طالبان و روسیه اۉرتهسیده ساغلیق ساحهسیدهگی همکارلیکلر خصوصیده فکر المشتیریلگن.
طالبان ساغلیقنی سقلش وزیری بو گروه و روسیه اۉرتهسیدهگی یخشی مناسبتدن اېسلب، طالبان روسیهنینگ ساغلیق ساحهسیدهگی تجربهلریدن فایدهلنیشگه قیزیقهدی دېب بیلدیرهدی.
شو بیلن بیرگه، طالبان ساغلیقنی سقلش وزیری و روسیه اېلچیسی روسیهنینگ افغانستان ساغلیق تیزیمیده همکارلیگی و بو ساحهده سرمایه یاتقیزیشی حقیده هم صحبتلشگنی معلوم قیلینگن.
ایتیش کېرهک که طالبان حاکمیتگه قیتگنیدن کیین ساغلیق تیزیمی اینگ سلبی تاثیرلنگن ساحهلردن بیری دیر.
طالبان حاضر، قیزلرنی ساغلیق ساحهسیده اۉقیش آلیشدن هم تقیقلب، بو ساحهنی کېلهجگینی جدّی خوف آستیده قۉیگن.
