آستانه تایمیز- قزاقستان و افغانستان تېمیر یۉل ساحهسیدهگی همکارلیکنی ینهده مستحکملشده دوام اېتماقده. چونکه ۲۰۲۶ ییل باشیده ایکّی یورت اۉرتهسیدهگی یوک تاشیش حجمی سېزیلرلی درجهده آشگنی کوزهتیلهدی. بو حقده قزاقستان (KTZ) “قزاقستان تېمیر یۉلی) مطبوعات خدمتی اپریل کونی خبر بېردی.
بو مسله (OSJD) ییغیلیش دایرهسیده آستانه شهریده بۉلیب اۉتگن اوچرهشووده محاکمه قیلیندی. اونده قزاقستان تېمیر یۉلی باشقرووی کېنگشی باشلیغی تلگت آلدیبېرگنوف طالبان جماعت ایشلری وزیری نینگ تېمیر یۉل ترانسپورتی بۉییچه اۉرین باسری شهباز مولوی محمد اسحاق بیلن اوچرشدی.
مذاکرهلر دوامیده هر ایکّی تمان یوک تاشیش حجمینی برقرار اۉسیب بارهیاتگنینی تاکیدلهدی. ۲۰۲۶ ییل نینگ دستلبک اوچ آییده یوک حجمی اۉتگن ییلگه نسبتا ۷۷ فایزگه آشیب، بیر میلیون تونگه یېتدی.
اۉسیشگه یوباریش یا صادر قیلیش و ترانزیت آقیملرینینگ آرتیشی سبب بۉلدی. جملهدن قزاقستان دانی (غله)، قاره میتال، کیمیا محصولاتلری، معدنی کودلر و اون یېتکزیب بېریش حجمی کۉپهیهدی.
قزاقستان اونینگ افغانستانگه یوباریش ۲۹۱ مینگ تونگه یېتیب، اۉتگن ییلنینگ شو دوریگه نسبتا ۳۷ فایزگه آشدی. شونینگدېک، اوچرهشووده تېمیر یۉل اساسی قتلمی و لوژیستیک یۉنهلیشیده ثمرهدارلیکنی آشیریش و سودا یۉللرینی کېنگیتیریش مسلهلری هم کۉریب چیقیلهدی.
هر ایککی تمان سودا حجمی نینگ اۉسیشینی قۉللب-قوتلش اوچون ترانسپورت علاقهلرینی مستحکملش مهملیگینی تاکیدلهدی. اوچروشوو یکونیده قزاقستان و افغانستان همکارلیکنی دوام اېتتیریش و یوک تاشیش حجمینی ینهده آشیریش نیتینی ینه بیر بار تصدیقلهدی.
