انسان حقوقلری بۉییچه تشکیلاتنینگ معلومات بېریشیچه، پاکستان حکومتی طالبان بیلن ینگی تۉقنهشوولردن سۉنگ افغانستانلیک مهاجرلرنی اۉزباشیمچهلیک بیلن حبسگه آلیش و مجبوري دېپورت قیلیشنی کوچهیتیرگن.
تشکیلات بوگون (چهارشنبه،۲ثور) نشر قیلگن بیاناتیده ایتیلیشیچه، افغانستانلیک مهاجرلرنی حبسگه آلیش و چیقریب یوباریش بۉییچه پولیس عملیاتلری مینگلب ضعیف حالتدهگی قاچقینلرنی، جملهدن بالهلرنی هم ساغلیقنی سقلش، تعلیم و باشقه اساسي خدمتلردن فایدهلنیشده جدّي تۉسیقلرگه دچار قیلماقده.
انسان حقوقلر بۉییچه تشکیلاتنینگ افغانستان بۉییچه تدقیقاتچیسی فرشته عباسینینگ سۉزلریگه کۉره، «پاکستان رسميلری افغانستانلیک قاچقینلرنی حمایهگه محتاج انسانلر صفتیده کۉریش اۉرنیگه، اولر آرهسیده قۉرقوونی کېنگهیتیرماقده.»
اونینگ قۉشیمچه قیلیشیچه، پولیسنینگ ناتۉغری عملیاتلری آدملرنی آزیق-طعام و طبي خدمتلردن واز کېچیشگه مجبور قیلماقده، عامهوي دېپورتلر اېسه اولرنی تضییق و زۉروانلیکلرگه دچار اېتیب، آخر-عاقبت افغانستانگه قَیتریلماقده.
تشکیلاتگه کۉره، 2026-ییل فبروریدن بېری طالبان و پاکستان اۉرتهسیدهگی کېسکینلیک کوچهیگنیدن سۉنگ، پاکستان پولیسی افغان جماعهلریگه قرشی عملیاتلرنی کېنگهیتیریب، اویمه-اوی تینتوولر، تونگی قیدیرو و محکمهسیز حبسگه آلیشلرنی عملگه آشیرماقده.
مذکور تشکیلات، پولیس نهفقط عمل قیلووچی ویزهگه اېگه، بلکه حجتسیز افغانلرنی هم حبسگه آلگن.
تشکیلات نینگ ایتیشیچه، کۉپلب قاچقینلر حجتسیز قالگن، چونکه پاکستان حکومتی ۲۰۲۳ییلدن بېری اولرنینگ «رۉیخطگه آلیش کارتلری» و باشقه یشش حجتلرینی ینگیلشنی تۉختهتگن.
انسان حقوقلری بۉییچه تشکیلات، حبسگه آلینگن مهاجرلر عادتده مرکزلرگه آلیب کېتیلیب، کېین دېپورت قیلینهدی.
بیاناتگه کۉره، فقط ۲۰۲۶-ییلده۱۴۶ مینگدن آرتیق افغانستان فقراسی پاکستاندن چیقریب یوباریلگن، بو رقم اپرېل آییدن بېری آرتیب بارماقده.
تشکیلات بیر قطار قاچقینلر و یاردم تشکیلاتلری وکیللری بیلن صحبتلشگنینی بیلدیرگن. اولر پولیس آدملرنی کوندهلیک حیاتده خرید قیلیشده، مکتبگه باریشده یاکه ایش ایزلشده حبسگه آلهیاتگنی، تیلفون و پوللرینی تارتیب آلهیاتگنی و آزادلیک عوضیگه پاره طلب قیلهیاتگنینی ایتیشگن.
تشکیلات پاره بېره آلمهگنلر حبسگه آلینیب، دېپورتهتسيه قیلینگن.
تشکیلات بو آدملرنینگ کۉپچیلیگی افغانستانگه قَیتگنده کتّه خوف آستیده قالیشینی تأکیدلهیدی، جملهدن ژورنالیستلر، انسان حقوقلری حمایهچیلری، فعاللر، سابق حکومت خادملری و طالبانگه تنقیدي قرهیدیگنلر.
فرشته عباسی اېسه شوندهی دېگن: «پاکستان پولیسنینگ سوءاستعمال عملیاتلریگه قرشی چاره کۉریشی و افغانستان قاچقینلرینی مجبورن قَیتریشنی درحال تۉختهتیشی کېرهک.»
اونینگ قۉشیمچه قیلیشیچه، باشقه دولتلر هم بو مسألهده پاکستان بیلن ملاقات قیلیب، افغانستاندهگی دوام اېتهیاتگن انسان حقوقلری بوزیلیشلرینی هم بیر وقتده قارهلشی کېرهک.
پاکستان سۉنگگی ایکّی آیده طالبان بیلن تۉقنهشوولردن کېین چېگرهلرینی فقط دېپورت قیلینهیاتگن مهاجرلر اوچون آچگن. سۉنگگی هفتهلرده اېسه چیقریب یوباریشلر کوچهییب، طالبان معلوماتیگه کۉره کونیگه 6 مینگدن آرتیق افغان مهاجری قَیتریلماقده.
