افغانستان تشقی ایشلر وزیرلیگی افغانستان اوچون اروپا بیرلشمهسی نینگ خاص نمایندهسی ژیل برتراننینگ کابلگه سفر قیلگنی حقیده خبر بېردی.
وزیرلیک بیاناتیگه کۉره، او بوگون چهارشنبه،۲ ثور تشقی ایشلر وزیری نینگ مالی و اداری اۉرینباسری محمد نعیم وردک بیلن اوچرهشیب، مذاکرهلر اۉتکزگن.
اوچرهشووده ایکّی تامانلهمه سیاسي، اقتصادي و سودا علاقهلرینی رواجلنتیریش همده دایمي همکارلیک مسألهلری محاکمه قیلینگن.
طالبلر تامانی اروپا اتفاقینینگ افغانستانگه کۉرسهتگن انسان پرورلیک یاردمیگه منّتدارچیلیک بیلدیریب، بو یاردملرنی برقرار رواجلنیش لایحهلریگه یۉنهلتیریشنی سۉرهگن، بو اېسه ایش اۉرینلری یرهتیش و اساسي معمالرنی حل قیلیشگه خدمت قیلیشی ایتیلگن.
شونینگدېک، اولر اۉز ارا حرمتگه اساسلنگن مناسبتلرنی تأکیدلب، معمالرنی حل قیلیشده دیپلوماتيک و ملاقاتنی اوستوار یۉل دېب بیلیشینی بیلدیرگن.
اروپا اتفاقی نمایندهسی اېسه ملاقاتنی معمالرنی حل قیلیش نینگ اېنگ مقبول یۉلی دېب بهالهگن.
بیاناتگه کۉره، او اروپا بازارلری نینگ افغانستان محصولاتلری، اینیقسه قوریتیلگن مېوهلر اوچون آچیقلیگینی و افغانستان محصولاتلرینی اروپا بازاریگه کیریتیش بۉییچه سعی-حرکتلر کوچهیتیریلهیاتگنینی ایتگن.
ژیل برتراننینگ کابلگه اوچینچی تشریفی بۉلیب، او اوّل هم۲۰۲۳ییل نینگ کوز و قیش آیلریده افغانستانگه کېلیب، سیاسي وضعیت و انسان حقوقلری مسألهلرینی محاکمه قیلگن اېدی.
