غزنی ولایتیده طالبلر امنیه قومندانلیگی اوشبو ولایتده ایکّی علیحده ترافیک حادثهسی یوز بېریب، آدملر قربانلیک آلگنینی معلوم قیلدی.
غزنی ولایتیده طالبان امنیه قومندانلیگی مسووللری معوماتیگه اساسلنیب نشر اېتیلگن خبرلرگه کۉره، اوشبو واقعهلر نتیجهسیده ۱۱ کیشی اۉلیب و یرهلنگن.
واقعهلردن بیری غزنی-واعظ قتناو یۉلیده یوز بېریب، تۉرت کیشی جان بېرگن.
اوشبو واقعه، بیر موترنینگ یۉلدن چیقیب کېتیب آغدریلیشی عاقبتیده یوز بېرگن.
شونینگدېک، غزنی ولایتی قرهباغ اولسواللیگیدهگی ینه بیر واقعه نتیجهسیده ۷ کیشی یرهلنگن.
مذکور واقعه یوک تاشووچی بیر موتر ایکّی یۉلاوچی تاشووچی موتر بیلن تۉقنهشیشی عاقبتیده روی بېرگن.
ایتیش کېرهک که اخیرگی وقتلرده، افغانستان تورلی منطقهلریده ترافیک حادثهلری کۉپهییب اهالیدن قربانلیک آلماقده.
