فاریاب ولایتیده طالبلر امنیه قوماندانلیگی ینه بیربار، شیرینتگاب اولسواللیگیده بیر قنچه کیشی اۉغیرلیکده عیبلنیب حبسگه آلینگنیدن خبر بېردی.
اوشبو قوماندانلیک تامانیدن بوگون دوشنبه ۷ – ثور، نشر اېتیلگن بیاناتده اۉغریلر سانی حقیده تفصیلات بېریلمهگن.
طالبان ادعاسیگه کۉره، بو گروه تامانیدن حبسگه آلینگن شخصلر، تورلی اۉغیرلیک واقعهلریده قۉلی بار اېکن.
شونینگدېک، طالبان مذکور شخصلردن بیری شیرینتگاب اولسواللیگیده بیر اوینی اۉغیرلهگنینی بۉینیگه آلگن دېب هم ادعا قیلگن.
شو بیلن بیرگه، طالبان بو شخصلر تامانیدن آلتین، اوزوک، نقد پول و باشقه قیمتبها بویوملر اۉغیرلنگنینی هم ادعا قیلدی.
طالبان اۉتگن کون هم بیر بیانات نشر قیلیب، شیرینتگاب اولسواللیگیده تۉقّیز کیشی اۉغیرلیک عیبلاوی بیلن حبسگه آلینگنینی ایتگن اېدی.
