طالبان کانلر و پترولیم وزیرلیگی بوگون سهشنبه ۸ – ثور، بیر بیانات نشر قیلیب، جوزجان ولایتی زمرد سای کانیدن نفت ایشلب چیقریش جریانی باشلنگنیدن خبر بېردی.
بو حقده نشر اېتیلگن بیاناتگه کۉره، اوشبو کاننی ایشلب چیقریش ایشلری طالبان باش وزیرینینگ اقتصادی اۉرین باسری عبدالغنی برادر، کانلر و پترولیم وزیری هدایتالله بدری و اېکینچیلیک وزیری عطاءالله عمری حضوریده اۉتکزیلگن احتفال آرقهلی باشلنگن.
طالبان اعلام قیلیشیچه اوشبو کان هر کونی ۵۰۰ تُن نفت ایشلب چیقریش قابلیتیگه اېگه دیر.
شو بیلن بیرگه طالبان اوچ ییللیک تېکشیروودن سۉنگ زمرد سایده بېش قودوقدن نفت ایشلب چیقریش باشلنگنینی معلوم قیلدی.
ایتیش کېرهک که طالبان افغانستان تورلی حدودلری اینیقسه اۉزبېکلر حدودلرینینگ کانلرینی کېنگ مقیاسده قازیب چیقرماقده. بو کانلردن کېلگن درآمد محلی اهالی اوچون ایشلهتیلمهگنی خواطرلر و شکایتلرگه سبب بۉلگن.
