طالبلرنینگ کانلر و پترولیم وزیرلیگی قندهار ولایتی نینگ نیش اولسواللیگیدهگی «کندی غنیگی» حدودیده جایلشگن فلورایت کانینی قزیب آلیش بۉییچه شرطنامهنی خصوصي شرکت بیلن امضالهدی.
وزیرلیک نینگ بیاناتیگه کۉره، اوشبو شرطنامه تیناوون (سهشنبه، ۸-ثور) تخمیناً۱۴۵ میلیون افغانی سرمایه بیلن «امانیه ماینینگ» کمپنیسی بیلن امضالنگن.
وزیرلیک شونینگدېک، بو کېلیشوو۳۰ییل مدتگه توزیلگنینی و «قَیته ایشلنگن محصولاتدن۳۵ فایز رویالیتی (اولوشنی) امیرلیک آلیشی» بېلگیلنگنینی بیلدیرگن.
طالبلر کانلر و پترولیم وزیرلیگینینگ معلوم قیلیشیچه، اوشبو شرکت رویالتیدن تشقری اجتماعي خدمتلر و اطراف-محیطنی محافظه قیلیش بۉییچه هم مجبوريتلر آلگن همده تخمیناً۱۵۰ کیشینی ایش بیلن تأمینلهیدی.
طالبلر ۲۰۲۱-ییلده قَیته حاکمیتگه کېلگنیدن سۉنگ افغانستاندهگی کانلرنی کېنگ کۉلمده قزیب آلیشنی باشلهگن.
بیراق بو جریان جدّي تنقیدلر بیلن هم کوزهتیلماقده. بعضی سیاسي کوچلر اوشبو گروهنی مملکت کان بایلیکلرینی «تالان-تاراج قیلیش»ده عیبلب کېلماقده.
