بیرلشگن ملتلر تشکیلاتینینگ انسانپرورلیک یاردملرینی هماهنگلشتیریش ادارهسی یا ده «اوچا» افغانستانده پاکستاننینگ ینگی هجوملری قربانلری همده بو هجوملر عاقبتیده اۉرتهگه کېلگن وضعیت حقیده بیر حسابات ترقهتیب، معلومات بېردی.
حساباتگه کۉره، پاکستاننینگ ینگی هجوملری عاقبتیده ۷ کیشی جان بېریب ینه ۷۹ کیشی یرهلنگن.
شو بیلن بیرگه، اوچا تشکیلاتی مذکور هجوملر افغانستانده اینیقسه اوروش حدودلریده انسانپرورلیک یاردملرگه بۉلگن احتیاجنی ینهده آشیرگنینی معلوم قیلگن.
تشکیلاتنینگ بیلدیریشیچه، بو هجوملر عاقبتلری ۷۸ مینگ کیشینی تاثیرلنتیرگن.
دېیرلی اوچا تشکیلاتی پاکستان و طالبان اوروش و تۉقنهشوولری مارچ آیی دوامیده آزهیگندن سونگ، اخیرگی کونلرده ینه بیربار جدّیلشگنیدن خبر بېردی.
تشکیلات حساباتی اساسیده، پاکستان هجوملری کۉپینچه حربی بۉلمهگن مرکزلر جملهدن ساغلیق و تعلیم مرکزلرینی نشانگه آلگن.
