اویغور تایمز-محمد تورسون
2026 ییل 27 اپریل کونی انقرهده “دنیادهگی اویغور تورکلری و آسیاده اویغور تورکلریگه قرشی انسان حقلری بوزیلیشیلری” موضوعسیده یوقاری درجهدهگی کنفرانس اۉتکزیلدی. تدبیر اویغور تدقیقاتلری مرکزی تمانیدن تشکیل اېتیلیب، اونده یېتکچی عالملر، سیاستچیلر و فعاللر اویغور تورکلری دوچ کېلهیاتگن دواملی انقراضنی محاکمه قیلیش اوچون بیرلشتدیلر.
تدبیر جهان اویغور کانگریسی نینگ معاونی عبدالرشید عبدالحمید نینگ سۉز باشی بیلن باشلندی. او «اویغورلر جینوسایدی دوامی» حقیده سۉز یوریتیب، خلقارا همجمیعت نینگ دایمی اعتباری و جوابگرلیک ضرورلیگنی تاکیدلهدی.
شونینگدېک، یسوی حرکتی باشلیغی محمود جومرت و اویغور اکادیمسی جمغرمهسی باشلیغی عبدالحمید کاراهان هم آچیلیش نطقلری بیلن قتنشتدیلر.
کنفرانسده تورکیه نینگ ییریک بیلیم یورتلریدن تانیقلی عالملر هم قتنشدی. جملهدن: غازی، اۉرته شرق تخنیک بیلیم یورتیدن ایشیک کوشچون بوننفان ، استانبول آیدن بیلیم یورتیدن کوتای کاراجا و استانبول بیلیم یورتیدن عمر کول. اولرگه عبدالحکیم ادریس هم قۉشیلیب، سیاستگه تېگیشلی محاکمهلرده قتنشدی.
پنل محاکمهلری شرقی تورکستان نینگ ژیوپولیتیک اهمیتیگه قرهتیلدی. اینیقسه، اونینگ “یۉل و کمر” تشبثیدهگی اۉرنی منطقهوی انرژی دینامیکی و چین نینگ مرکزی آسیا بۉییچه کېنگراق سیاستی محاکمه قیلیندی. معروضهچیلر اوشبو استراتیژیک عامللر، اویغور تورکلریگه تاثیر قیلهیاتگن دواملی انسان حقلری معلوماتلری بیلن قندهی باغلیقلیگنی تاکیدلهیدیلر.
اوشبو یغیلیشده میراچ گور مدریت قیلیب، محاکمهلرنی هم علمی، هم سیاسی یۉنهلیشده باشقریب باردی.
تشکیلاتچیلر کنفرانس عملگه آشیریشدهگی یاردم اوچون تایوان دیموکراسی فوندیشندن شونینگدېک یسوی حرکتی، عیسی یوسف آلپ تکین و اویغور اکادیمی جمغرمهلریدن منتدارلیک بیلدیردیلر.
کنفرانس اویغور تورکلری نینگ انسان حقلری حالتنی یخشیلش و اولر نینگ اۉزگریب بارهیاتگن گلوبل ژیوپولیتیکدهگی اۉرنی حل اېتیش اوچون خلقارا همکارلیکنی دوام اېتیریش، چوقورراق علمی تدقیقاتلر آلیب باریش همده کوچلیراق ترغیبات ایشلرینی عملگه آشیریشگه چقیریش بیلن یکونلندی.
