خلقارا یېتکیرمهلر تامانیدن نشر اېتیلگن خبرلرگه کۉره، امریکا قۉشمه ایالتلری تامانیدن بو مملکتنینگ یقین شرقدهگی اتفاقچیلریگه قورال ساتیش ینگی لایحهسی تصدیقلنگن.
ایتیلیشیچه امریکا، اسراییل، قطر، بیرلشگن عرب امیرلیکلری و کویتگه ۸.۶ میلیارد دالر قیمتی بۉلگن قوراللرنی ساتیشگه قرار قیلگن.
دېمک اوشبو قرار، ایران بیلن امریکا اۉرتهسیدهگی ترنگلیکلر دوام اېتهیاتگن بیر وقتده عملگه آشیریلماقده دیر.
بو شوندی بیرحالده دیر که بوندن آلدین، ایران اوروشی باعث امریکانینگ قورال انبارلری آزهیگنی حقیده خوطر بېریلگن اېدی.
شو سبب، امریکا اۉزینینگ اروپالیک اتفاقچیلری جملهدن بریتانیاگه بۉلگن قورال ساتیش لایحهسینی بیراز کیچیکتیریشگه قرار قیلگنی ایتیلهدی.
ایتیش کېرهک که ایران بیلن امریکانینگ ایران بیلن بۉلگن اوروشیده بو مملکتنینگ قورال انبارلریدن کۉپینچهسی ایشلهتیلگنی ایتیلهدی.
امریکا رسمیلری معلوماتلریگه کۉره، اوشبو اوروشده امریکا ۲۵ میلیارد دالر خرجت قیلگن. بیراق ایران رسمیلری اېسه بو معلوماتلرنی یالغانگه چیقریب، امریکا بو اوروشده ۱۰۰ میلیارد خرجت کۉترگنینی ایتماقده.
