طالبلرنینگ مهاجرلر معمالرینی کۉریب چیقیش کمیسیونینینگ معلوم قیلیشیچه، تیناوون چهارشنبه، ۱۶-ثور ایران و پاکستاندن بېش مینگدن آرتیق مهاجر افغانستانگه دېپورت قیلینگن.
کمیسیون بیاناتیده ایتیلیشیچه، بېش مینگ۱۰۲ کیشیدن عبارت۹۵۵ عایله تورخم چېگره اۉتیش یۉلی، سپین بولدک چېگره اۉتیش یۉلی، اسلام قلعه چېگره اۉتیش یۉلی، پول ابریشم چېگره اۉتیش یۉلی و بهرامچه چېگره اۉتیش پونکتی آرقهلی افغانستانگه کیریب کېلگن.
ایران اسلام قلعه و پول ابریشم چېگره پونکتلری آرقهلی۷۷ عایلهنی، پاکستان اېسه تورخم، سپین بولدک و بهرامچه چېگره پونکتلری آرقهلی۷۸۶ عایلهنی دېپورت قیلگن.
جملهدن تۉرت مینگ۱۴۵ کیشیدن عبارت۷۵۹ عایله تورخم چېگرهسی آرقهلی مملکتگه کیریب کېلگن و اولرگه یېتّی میلیون۷۲۰ مینگ افغاني مقداریده مالیوي یاردم کۉرسهتیلگن.
طالبان و پاکستان اۉرتهسیدهگی حربي تۉقنهشوولردن سۉنگ، پاکستان افغانستانلیک مهاجرلرنی مجبوري دېپورت قیلیش جریانینی کوچهیتیرگن.
اېران هم اوروش حالتیده بۉلیشیگه قرهمهی، افغانستانیک مهاجرلرنی مجبوري چیقریب یوباریشده دوام اېتماقده.
بیرلشگن ملتلر تشکیلاتیگه علاقهدار تشکیلاتلرنینگ قید اېتیشیچه، مهاجرلر افغانستانگه قَیتگچ، اوی-جای تنقیصلیگی، ایش امکانیتلرینینگ یۉقلیگی و حیاتنی دوام اېتتیریش بیلن باغلیق باشقه جدّي معمالرگه دوچ کېلماقده
منو
