روسیه تشقی ایشلر وزیرلیگی سۉزلاوچیسی ماریا زاخارووا برچه دولتلردن اۉز دیپلوماتیک وکیللری و فقرالری خوفسیزلیگی اوچون اولرنی تېزلیک بیلن کییفدن آلیب چیقیشنی سۉرهدی.
ماریا زاخارووا چهارشنبه کونی (۱۶-ثور) بیانات نشر قیلیب، اوشبو خبر مسکودهگی برچه خارجي دیپلوماتیک وکالتخانهلرگه هم یوباریلگنینی معلوم قیلدی.
اونینگ قۉشیمچه قیلیشیچه، بو آگاهلنتیریش اوکراین تامانیدن روسيهنینگ «غلبه کونی» بیرهمیگه احتمالي هجوم اویوشتیریلیشی ممکنلیگی سببلی بېریلگن.
زاخارووانینگ سۉزلریگه کۉره، اگر بوندهی هجوم صادر بۉلسه، جواب طریقهسیده کيیفدهگی «قرار قبول قیلووچی مرکزلر» نشانگه آلینهدی.
روسيه تشقی ایشلر وزیرلیگی اېسه خارجي دولتلرگه غلبه بیرهمی باشلنیشیدن آلدین اۉز دیپلوماتلری و فقرالرینی کيېفدن تخلیه قیلیشنی ینه بیر بار تأکیدلهگن.
روسيهنینگ «غلبه کونی» ۹-می (۱۹-ثور) کونی نشانلنیب، ایکّینچی جهان اوروشیده شوروی اتفاقینینگ آلمان نازی اوستیدن قازانگن غلبهسیگه بغیشلنهدی.
اوکریان جمهور رییسی ولودیمیر زلنسکیاېسه دوشنبه کونی ایروانده بۉلیب اۉتگن «اروپا سیاسي همجمعيتی» ییغیلیشیده اوکراین درونلری مسکو غلبه ریژهسی نینگ اوستیدن اوچیشینی ایتگن.
مسکو بو بیاناتنی «تروریستیک هجوم تهدیدی» دېب اتهب، اونگه جواب بېریشگه تیارلنهیاتگنینی بیلدیرگن
منو
